1Sa pagbiya ni Tobias, malipayon siya kaayo. Gidayeg niya ang Ginoo sa langit ug sa yuta, ang Hari sa tibuok kalibotan, tungod kay nagmalampuson man ang iyang biyahe. Unya gipanalanginan niya si Raguel ug ang asawa niini nga si Edna.
Ang Ilang PaghiuliSa nagkaduol na sila sa siyudad sa Kaserin duol sa Ninibe,
2miingon si Rafael, “Tobias, nasayod ikaw sa kahimtang sa imong amahan sa atong pagtalikod kaniya.
3Kinahanglang mouna kita sa imong asawa ug andamon ta ang balay sa dili pa sila moabot.
4Ayaw gayod kalimot sa pagdala sa apdo sa isda.” Busa miuna sila ug ang iro ni Tobias midagan kuyog kanila.
5Niining tungora, si Ana naglingkod daplin sa dalan nga nagpaabot sa iyang anak.
6Sa wala madugay nakita niya siya nga nagkaduol ug gitawag niya si Tobit, “Tan-awa! Ania na ang atong anak ug kuyog kaniya ang iyang higala.”
7Sa wala pa sila mahiabot kang Tobit, si Rafael miingon kang Tobias, “Ang imong amahan makakita pag-usab.
8Ipaghid lang ang apdo sa iyang mga mata sama sa usa ka haplas ug mataktak ra ang puti nga habolhabol ug mahiuli ang panan-aw sa imong amahan.”
9Midagan si Ana ngadto sa iyang anak, gigakos niya kini ug giingnan, “Karon nga nakakita na ako kanimo nga buhi, anak ko, mahimo nang mamatay ako nga malinawon!” Ug mihilak siya sa kalipay.
Ang Pagkaayo ni Tobit10Mitindog si Tobit ug nahisukamod siya sa paggula niya ngadto sa patyo.
11Si Tobias miduol kaniya nga nagbitbit sa apdo sa isda. Iyang gihuyop ang mga mata sa iyang amahan ug gigunitan aron malig-on. Miingon siya, “Ayaw na karon kaguol, amahan.”
12-13UnyaBuh. 9:18. ang apdo gipaghid ni Tobias sa mga mata ni Tobit ug iyang gipaksit ang puti nga habolhabol nga nagtabon niini.
14Migakos si Tobit sa liog ni Tobias ug mihilak sa kalipay. Unya mituaw siya, “Makakita na ako kanimo, anak ko!
“Dalaygon ang Dios!
Dalaygon siya tungod sa iyang kahalangdon.
Dalaygon ang tanan niyang balaang mga anghel.
Padayonon unta niya ang pagpanalangin kanato.
Dalaygon ang tanan niyang mga anghel hangtod sa kahangtoran.
15Iyang gipadala kanako kining sakita,
apan iya akong gikaluy-an;
karon makakita na ako kang Tobias nga akong anak!”
Unya sa dakong kalipay misulod si Tobias sa balay ug nagdayeg sa Dios sa makusog nga tingog. Gisuginlan niya ang iyang amahan sa kalamposan niya nga dili lamang salapi ang nadala niya kondili nakapangasawa pa gayod siya sa anak ni Raguel nga si Sara kinsa nagpadulong na ug sa dili madugay moabot.
Ang Pag-abot ni Sara16Wala mahimutang si Tobit ug nagdayeg siya sa Dios diha sa iyang paggula aron pagsugat sa asawa sa iyang anak didto sa ganghaan sa siyudad. Sa dihang hikit-an si Tobit sa mga tawo sa Ninibe, nahibulong sila tungod kay naglakaw na man siya sa iya rang kaugalingon ug walay nag-agak kaniya.
17Gidayeg ni Tobit ang Dios ug gisugilon niya sa tanan ang kaluoy sa Dios sa pag-uli sa iyang panan-aw.
Sa pagkasugat ni Tobit kang Sara, iya siyang giabiabi sa pag-ingon, “Dalaygon ang Dios tungod sa iyang pagdala kaninyo nganhi kanamo, anak ko. Panalanginan unta sa Dios ang imong amahan, ingon man ikaw ug ang akong anak nga si Tobias. Gikahinangop ka sa imong bag-ong puloy-anan. Hinaot unta nga sa kanunay hatagan ka sa Dios ug maayong panglawas ug kalipay. Dayon, anak ko!”
Mao kadto ang usa ka adlaw sa dakong kalipay alang sa tanang mga Judio sa Ninibe.
18Ang mga pag-umangkon ni Tobit nga si Ahikar ug si Nadab miabot aron pagpakig-ambit sa kalipay ni Tobit.
19Ug ang kaminyoon ni Tobias gisaulog nila pinaagi sa dakong kombira sulod sa pito ka adlaw.
Who We AreWhat We EelieveWhat We Do
2025 by iamachristian.org,Inc All rights reserved.
