Deuteronomio 19 - Cebuano Meaning-Based Bible

Ang mga Siyudad nga Dalangpanan(Num. 35:9-28; Jos. 20:1-9)

1“SaJos. 20:1-9. dihang pamatyon na sa Ginoo nga inyong Dios ang mga lumolupyo sa mga nasod nga iyang ihatag kaninyo ug unya mapanag-iya na ninyo kini ug magpuyo na kamo didto sa ilang mga lungsod ug kabalayan,

2pagpili kamog tulo ka siyudad diha sa yuta nga gihatag sa Ginoo kaninyo.

3Himoi kinig mga dalan ug bahina ang yuta sa tulo ka bahin. Unya ang tawo nga makapatay ug tawo makadangop ngadto sa usa niining mga siyudara aron siya kapanalipdan.

4Kon wala tuyoa sa usa ka tawo ang pagpatay sa iyang isigkatawo, makadangop siya didto aron maluwas siya.

5Pananglit may duha ka tawo nga namutol ug kahoy didto sa lasang. Samtang ang usa kanila nagputol ug kahoy, nahuso ang uhas sa atsa ug naigo ug namatay ang iyang kauban. Ang maong tawo makadangop bisag hain sa tulo ka siyudad ug maluwas siya.

6Kon dili ninyo kini buhaton o kon layo ang dalan, ang nakapatay mahimong gukdon sa buot manimalos kaniya tungod sa kasuko ug patyon siya. Dili unta siya angay nga patyon kay dili man tungod sa kasilag nga nakapatay siya.

7Busa gisugo ko kamo sa paggahin ug tulo ka siyudad.

8“Unya sa diha nga dugangan sa Ginoo nga inyong Dios ang inyong kayutaan ug mainyo na ang tibuok nasod nga gisaad niya sa inyong katigulangan nga iyang ihatag kaninyo,

9dugangi ninyo paggahin ug laing tulo ka siyudad. Ihatag gayod niya kaninyo ang tibuok nasod kon tumanon ninyo kining sugo nga gihatag ko karon kaninyo ug higugmaon ninyo ang Ginoo nga inyong Dios ug magkinabuhi kamo sumala sa iyang kabubut-on.

10Kon igahin ninyo kining mga siyudara ingon nga dalangpanan, walay dugo sa mga dili sad-an nga maula dinhi sa inyong nasod ug dili kamo pakasad-on sa sala sa pagpatay.

11“Kon ang usa ka tawo may gikaaway ug unya gituyo niya pagdunggab ug tungod niana namatay ang iyang kontra, kon modangop siya bisag hain sa tulo ka siyudad,

12kinahanglan nga ipakuha siya sa mga kadagkoan sa iyang siyudad ug itugyan siya ngadto sa buot manimalos kaniya aron patyon siya.

13Ayaw ninyo siya kaluy-i. Kinahanglan nga limpyohan ninyo ang Israel sa sala sa pagpatay aron magmauswagon kamo.

Ang mga Karaang Utlanan

14“UnyaDeut. 27:17. sa inyong bahin sa yuta nga ihatag kaninyo sa Ginoo nga inyong Dios, ayaw ninyo balhina ang utlanan sa yuta sa inyong kasikbit nga dugay na kaayong gibutang.

Ang Balaod mahitungod sa Pagsaksi

15“SaNum. 35:30; Deut. 17:6; Mat. 18:16; Juan 8:17; 2 Cor. 13:1; 1 Tim. 5:19; Heb. 10:28. bisan unsang sala o sayop dili mahimo nga usa ray saksi kondili duha o tulo gayod aron paghusay ug paghukom niini.

16Kon may bakakong saksi nga mobarog sa hukmanan ug mopahayag nga sad-an ang usa ka tawo,

17patindoga silang duha sa atubangan sa Ginoo, sa mga pari ug sa mga maghuhukom.

18Kinahanglan nga ang maong mga maghuhukom maghimo sa maukiton nga pakisusi kon dili ba bakak ang iyang sumbong. Kon namakak siya,

19pahamtangi siya sa silot nga buot unta niyang ipahiagom sa iyang gibutangbutangan. Sa ingon nga paagi malimpyohan ninyo ang inyong nasod sa daotan.

20Inigkabalita niini sa uban, mahadlok sila ug wala nay bisan kinsa kaninyo nga magbuhat ug daotan.

21KinahanglanExo. 21:23-25; Lev. 24:19-20; Mat. 5:38. nga dili kamo magpakitag kaluoy: ang kinabuhi bayrag kinabuhi, mata bayrag mata, ngipon bayrag ngipon, kamot bayrag kamot ug ang tiil bayrag tiil.