Sirac 45 - Cebuano Meaning-Based Bible

Si Moises

1Gikan pinaagi sa iyang pagmando. Ang Ginoo naghimo nga ang mga hari motahod kaniya. Ang Ginoo naghatag kaniya sa iyang mga sugo alang sa iyang katawhan ug nagpakita kaniya sa masulaw nga kahayag sa iyang presensya.

4Ang Ginoo mipili kang Moises gikan sa tanang katawhan ug gihalad siya tungod sa iyang pagkamaunongon ug pagkamapaubsanon.

5Gipabati sa Ginoo ang iyang tingog ngadto kang Moises ug gidala niya siya ngadto sa mangitngit nga panganod diin sa inatubangay gihatagan niya si Moises sa mga sugo, ang Balaod nga naghatag ug kinabuhi ug kahibalo, aron itudlo ni Moises ang mga lagda sa kasabotan ngadto sa mga Israelita.

Si Aaron

6AngExo. 4:14. Ginoo nagpili kang Aaron, usa ka balaan nga tawo sama sa iyang igsoon nga si Moises, gikan sa banay ni Levi.

7NaghimoExo. 28:1-43. ang Dios ug usa ka walay kataposang kasabotan uban kaniya ug gihatagan siya sa katungod sa pag-alagad ingon nga pari alang sa katawhan sa Ginoo. Gipasidunggan niya siya pinaagi sa pagbisti kaniya ug harianong mga sapot ug maanindot nga mga sinina

8nga hingpit diha sa ilang kasanag. Gihatagan niya siya sa mga timaan sa awtoridad: ang mga lino nga karsunsilyo, ang kamisadentro ug ang bisti nga adunay mga daw bunga sa granada nga naglibot sa sidsid.

9Aduna usay bulawan nga mga kampanilya libot sa sidsid niini aron nga iniglakaw niya, ang mga bagting niini madungog didto sa Templo ug ang Ginoo mahinumdom sa iyang katawhan.

10Gihatag sa Ginoo ngadto kang Aaron ang balaan nga bisti nga gidayandayanan ug bulawan, asul ug tapol nga borda, ang hapin sa dughan uban sa Urim ug Tumim

11ug ang pula nga panapton nga binuhat sa usa ka batid nga maghahabol. May mahalon nga mga bato nga gikulitan ug mga ngalan ug gipahimutang diha sa bulawang engaste nga hinimo sa usa ka tigbuhat ug alahas. Gibutang kini sa dughan aron pagpahinumdom sa Ginoo sa 12 ka tribo sa Israel.

12Gihatagan niya siya sa purong nga may bulawang dayandayan nga gibutangan sa mga pulong “Hinalad ngadto sa Ginoo.” Kini inantigo nga pagkabuhat, usa ka matahom nga buhat sa arte ug usa ka dakong dungog ang pagsul-ob niini.

13Sa wala pa ang panahon ni Aaron ang maong matahom nga mga butang wala gayod igkita. Walay lain gawas kang Aaron ug sa iyang mga kaliwat ang nakasul-ob o makasul-ob niini.

14Ang halad nga mga uhay ihalad sa makaduha matag adlaw ug hutdon kini pagsunog.

15GiordinahanLev. 8:1-36. ni Moises si Aaron alang sa katungdanan pinaagi sa pagbubo sa balaan nga lana diha sa iyang ulo. Gihimo ang usa ka walay kinutobang kasabotan uban kaniya ug sa iyang mga kaliwat nga mag-alagad sila sa Ginoo ingon nga mga pari ug manalangin sa katawhan diha sa ngalan sa Ginoo.

16Ang Ginoo nagpili kang Aaron gikan sa tanang mga tawo aron maghimo sa mga paghalad ug magsunog sa humot nga insenso aron pagpahinumdom sa Ginoo sa iyang katawhan ug aron pagkuha sa ilang mga sala.

17Gitugyan sa Ginoo ang mga kasugoan ngadto kang Aaron aron iya kining ampingan ug gihatagan siya ug awtoridad ug gahom sa paghimo sa mga hukom nga subay sa balaod ug sa pagtudlo sa Balaod ngadto sa Israel.

18MakausaNum. 16:1-35. niana samtang ang mga tawo didto sa kamingawan, usa ka pundok sa mga masinahon ug walay labot ang nasuko ug naglaraw batok kang Moises. Kini sila mao si Datan, si Abiram ug si Korah uban sa ilang mga kaabin.

19Ang Ginoo nakakita unsa ang ilang gibuhat ug nasuko siya. Tungod sa hilabihan niyang kapungot naghimo siyag usa ka milagro ug gilaglag sila diha sa usa ka nagdilaab nga kalayo.

20Unya iyang gigantihan pag-usab si Aaron, gihatagan siya ug linain nga pasidungog: gigahin alang kaniya ang mga hinalad nga unang mga abot aron ang mga pari adunay igo nga pagkaon.

21Ang ilang pagkaon mao ang mga sakripisyo nga gihalad ngadto sa Ginoo. Ang Ginoo naghatag niini ngadto kang Aaron ug sa iyang mga kaliwat.

22ApanNum. 18:20; Deut. 12:12. si Aaron lahi sa ubang mga tawo. Dili siya makapanunod ug yuta ug walay linain nga bahin nga iyahang kaugalingon. Ang Ginoo mismo mao ang tanan nga iyang gikinahanglan.

Si Pinehas

23SiNum. 25:7-13. Pinehas nga anak ni Eleazar maoy ikatulo nga bantogan tungod sa iyang mainiton nga pag-alagad sa Ginoo. Nagdala siya sa pasaylo alang sa mga sala sa Israel pinaagi sa pagbarog nga malig-on sa diha nga ang uban mirebelde.

24Ug busa ang Ginoo naghimog usa ka kasabotan uban kaniya nga tumanon sa tanang panahon: siya maoy piniyalan sa balaang dapit ug sa iyang katawhan, siya ug ang iyang mga kaliwat maoy maghupot sa katungdanan sa pagka-Pangulong Pari hangtod sa kahangtoran.

25Sa kasabotan nga gihimo uban kang David nga anak ni Jesse nga gikan sa banay ni Juda, ang pagkahari gitugyan lamang gikan sa amahan ngadto sa anak apan ang pagkapari ni Aaron lahi kay gitugyan man kini ngadto sa tanan niyang mga kaliwat.

26Karon dayga ninyo ang Ginoo nga maayo nga nagpurongpurong kaninyo sa himaya! Hatagan unta kamo niya ug kaalam sa paghukom sa katawhan uban sa kaangayan aron mainyo ang kalamposan ug himaya sa tanang panahon.