4 Unya miingon si Mardoqueo, “Ang Dios maoy naghimo aron kining tanang mga butang mahitabo.
5 Ug nahinumdom ako sa akong damgo mahitungod niining tanan. Ang tanan nga diha sa damgo natuman gayod:
6 ang gamay nga tubod nga nahimong usa ka suba, ang banagbanag nga nahimong adlaw nga mahayag ug ang kadaghan sa tubig. Ang suba mao si Ester nga gipangasawa sa hari ug gihimo nga iyang rayna.
7 Ang duha ka dragon nagkahulogan kang Haman ug kanako.
8 Ang mga nasod mao silang tanan nga nagkatipon aron paglaglag sa mga Judio.
9 Ang akong nasod mao ang Israel nga nangaliyupo ngadto sa Dios aron tabangan ug luwason. Giluwas gayod sa Ginoo ang iyang katawhan! Giluwas kita niya niining tanan nga mga kadaotan ug naghimo siya sa dagkong mga milagro ug katingalahang mga butang nga wala pa gayod mahitabo sa ubang kanasoran.
10 Kini tungod kay ang Dios nag-andam ug usa ka kapalaran alang sa iyang kaugalingong katawhan ug laing kapalaran alang sa ubang nasod.
11 Unya miabot ang adlaw ug ang oras nga kining duha ka kapalaran pagahukman; ang panahon miabot alang sa Dios sa paghimo ug usa ka hukom mahitungod sa kanasoran.
12 Ang Dios nahinumdom sa iyang pinili nga katawhan ug mihukom dapig kanila.
13 Busa matag tuig sa tanang panahon nga umaabot ang katawhan sa Dios magtigom atubangan sa iyang presensya sa ika-14 ug sa ika-15 nga adlaw sa bulan sa Adar ug saulogon kini uban sa kasadya ug kalipay.”
Paapas nga mga Pulong14 Sa ikaupat nga tuig sa paghari ni Tolomeo ug Cleopatra, usa ka tawo nga ginganlag Doseteo nga miangkon nga siya usa ka pari nga Levita, ang nagdala sa sulat nga gihisgotan sa unahan mahitungod sa Kasaulogan sa Purim. Giubanan siya sa iyang anak nga si Tolomeo ug nagpahayag sila nga ang sulat tinuod gayod ug nga gihubad kini ni Lesimaco nga anak ni Tolomeo ug sakop sa usa ka banay sa Jerusalem.
Who We AreWhat We EelieveWhat We Do
2025 by iamachristian.org,Inc All rights reserved.
