17 AngMar. 6:23. hari nangutana, “Unsa man, Ester? Tug-ani ako unsa ang imong gusto ug maimo kana bisan pag katunga sa akong emperyo.”
18 Si Ester mitubag, “Karon maoy usa ka adlaw nga espesyal alang kanako. Kon makapahimuot sa akong agalon, buot unta ako nga ikaw ug si Haman mahimong akong mga dinapit karong gabhiona alang sa usa ka kombira nga akong giandam alang kanimo.”
19 Unya gipasugoan dayon sa hari si Haman aron mahimo silang mga dinapit ni Ester. Busa ang hari ug si Haman miadto sa kombira ni Ester.
20 Samtang nag-inom ug bino ang hari, miingon siya pag-usab, “Tug-ani ako unsa ang imong gusto, Rayna Ester.”
21 Mitubag si Ester,
22 “Kon ikahimuot sa ang akong agalon ang pagtugot sa akong hangyo, buot unta ako nga ikaw ug si Haman mahimong akong mga dinapit ugma alang sa laing kombira nga akong andamon alang kaninyo. Sama lamang kana niining bangkite karon.”
Si Haman Naglaraw sa Pagpatay kang Mardoqueo23 Sa pagbiya ni Haman sa hari malipayon siya ug maayo ang iyang buot hangtod nakakita siya kang Mardoqueo, ang Judio, didto sa patyo sa palasyo. Kadto nakapapungot kaniya
24 apan mipauli siya sa ila. Unya iyang gidapit ang iyang mga higala ngadto sa iyang balay ug gihangyo niya ang iyang asawa nga si Zares nga mouban kanila.
25 Nanghambog siya kanila unsa siya kadato ug mahitungod sa dungog nga gihatag kaniya sa hari diha sa pagtudlo kaniya ngadto sa taas nga katungdanan ug sa paghimo kaniya nga primero ministro.
26 Si Haman miingon, “Dugang pa, si Rayna Ester mihatag ug usa ka kombira alang sa hari ug kanako lamang ug gidapit kami pag-usab ugma.
27 Apan kining tanan walay bili alang kanako samtang makita pa nako ang Judio nga si Mardoqueo nga maglingkod didto sa patyo sa palasyo.”
28 Unya ang iyang asawa ug ang tanan niyang mga higala misugyot pag-ingon, “Nganong dili ka man magbutang ug usa ka bitayan nga 22 ka metros ang gihabugon? Ugma sa buntag mapangayo nimo sa hari nga bitayon dinhi niini si Mardoqueo ug unya makaadto ka uban kaniya sa kombira nga malipayon!” Gipakaingon ni Haman nga kadto usa ka maayong hunahuna busa iyang gisugo nga tukoron ang bitayan.
Who We AreWhat We EelieveWhat We Do
2025 by iamachristian.org,Inc All rights reserved.
