1Kon
4Panghatag ngadto sa mga tawo nga diosnon apan ayaw pagtabangi ang mga makasasala.
5Buhatig maayo ang mga tawo nga mapaubsanon apan ayaw paghatag bisan unsa kanila nga dili diosnon. Ayaw sila hatagig pagkaon kay tingali unyag gamiton nila ang imong kaayo batok kanimo. Ang tanan nga imong buhaton alang sa maong mga tawo magdala ra kanimog mga kagubot.
6Ang Labing Halangdon mismo nasilag sa mga makasasala ug sila iyang silotan.
7Panghatag ngadto sa mga maayong tawo apan ayaw pagtabangi ang mga makasasala.
8Kon maayog lakaw ang tanan, lisod pag-ila kinsa ang imong matuod nga mga higala apan sa panahon sa kalisdanan, makaila ikaw kinsa ang imong kaaway;
9bisan ang imong mga higala motalikod unya kanimo. Apan kon ikaw malampuson, ang imong mga kaaway magpakahigala.
10Ayaw gayod pagsalig sa usa ka kaaway; ang iyang kadaotan makadaot sama sa taya.
11Pagbantay ug pagmatngon batok kaniya bisan kon magmapaubsanon siya sama sa ulipon. Sama siya sa usa ka salamin nga metal nga tayaon kon dili nimo kini pasinawon.
12Palingkora ang usa ka kaaway sa imong tuo ug dili lang nimo hibaw-an nga maningkamot siya pagpuli kanimo sa imong katungdanan. Ibutang siya sunod kanimo ug pukanon ikaw niya. Unya makaamgo ka sa katinuod sa akong mga pulong ug magbasol ka kon mahinumdom ka niini.
13Walay mobatig kasubo kon hipaakan ang mga tiglamat sa mga bitin ug ang tig-atiman sa mga mangtas nga mga mananap.
14Ug walay maluoy kanimo kon makig-uban-uban ikaw sa mga makasasala ug moapil sa ilang mga buhat nga daotan.
15Ang usa ka kaaway magpabilin ug kadiyot uban kanimo apan mawala dayon siya kon moabot ang kakulian.
16Magsulti siya ug maayong mga pulong samtang maglaraw siya unsaon pagbitik kanimo. Magpakaaron-ingnon siya nga makig-ambit sa imong mga kaguol apan patyon ka niya kon makahigayon siya.
17Kon moabot kanimo ang katalagman, makita mo siya nga naghulat ug andam sa pagpasukamod kanimo samtang magpakaaron-ingnon siya nga nagtabang kanimo.
18Unya malain na siyang tawo, magkusokuso sa iyang kamot, magyango-yango ug manglibak kanimo.
Who We AreWhat We EelieveWhat We Do
2025 by iamachristian.org,Inc All rights reserved.
