1Sa tuig 160, si Alejandro Epifanes, anak ni Antioco IV miabot sa Tolemais ug giilog niya kini. Ang mga tawo miabiabi kaniya nga ilang hari.
2Sa pagkadungog ni Hari Demetrio mahitungod niini, nagtigom siya ug usa ka dakong pundok sa kasundalohan ug migula siya aron pagpakigsangka kaniya sa usa ka gubat.
3Niadtong panahona si Demetrio mipadala kang Jonatan ug usa ka mahigalaon nga sulat puno sa ulog-ulog
4uban sa paglaom nga madala niya si Jonatan aron modapig kaniya ug makig-abin uban sa mga Judio sa dili pa makahimog usa ka kasabotan si Alejandro uban kanila batok kaniya.
5Si Demetrio naghunahuna nga si Jonatan mahinumdom gayod sa tanan nga mga kasaypanan nga iyang nahimo ngadto kaniya, sa iyang mga igsoon ug sa tibuok nasod nga Judio.
6Ug busa gihatagan ni Demetrio si Jonatan ug awtoridad sa pagtigom ug usa ka pundok sa kasundalohan ug sa pagsangkap niini. Nagsugo usab siya nga ang mga priso nga patinga nga gibilanggo sa kota sa Jerusalem kinahanglan itugyan ngadto kang Jonatan.
7Busa miadto si Jonatan sa Jerusalem ug gibasa ang sulat ngadto sa tanang mga tawo ug ngadto sa mga kalakin-an sa kota.
8Kining mga lalaki nangalisang sa pagkasayod nila nga ang hari naghatag kang Jonatan ug awtoridad sa pagtigom ug kasundalohan.
9Gitugyan nila ang mga binilanggo nga patinga ngadto kaniya ug giuli niya kining mga binilanggo ngadto sa ilang mga ginikanan.
10Si Jonatan nagbutang sa iyang ulohang kampo didto sa Jerusalem ug misugod pagtukod pag-usab ug pagpahiuli sa siyudad.
11Gisugo niya ang mga magtutukod sa paggamit ug mga kwadrado nga mga bato alang sa mga paril sa siyudad ug alang sa pagpanalipod sa paril nga naglibot sa Bukid sa Sion. Ug gihimo kini.
12Ang mga langyaw mibiya sa mga kota nga gitukod ni Baquides.
13Matag usa kanila mibiya sa iyang dapit ug mipauli ngadto sa iyang kaugalingong yuta.
14Apan pipila sa mga Judio nga mibiya sa Balaod ni Moises ug sa iyang mga sugo nagpabilin pa didto sa Betzur nga maoy ilang kataposang dapit nga dalangpanan.
15Si Hari Alejandro nasayod sa mga saad ni Demetrio nga gihimo niya ngadto kang Jonatan ug nasayod usab siya mahitungod kang Jonatan mismo, mahitungod sa mga pakiggubat niya, sa iyang maisogon nga mga binuhatan ug sa mga kasakit nga giantos niya ug sa iyang mga igsoong lalaki.
16Nakasiguro siya nga dili gayod siya makakaplag ug laing lalaki nga sama kang Jonatan ug busa mihukom siya sa paghimo kaniya nga higala ug kaabin.
17Nagsulat siya kang Jonatan nga nag-ingon:
18“Gikan ni Hari Alejandro ngadto sa iyang higala nga si Jonatan, komusta.
19Nakadungog ako nga ikaw usa ka maisog nga tawo nga nakakab-ot sa katungod sa pagkahigala sa hari.
20Karong adlawa gitudlo ko ikaw nga Pangulong Pari sa imong nasod ug gihatag ko kanimo ang titulo sa pagka ‘Higala sa Hari.’ Mahimo kang among kaabin ug magpaluyo ka kanamo.”
Gipadad-an usab siya niya ug usa ka harianong bisti ug usa ka korona nga bulawan.
21Gisul-ob ni Jonatan ang bisti sa pagka Pangulong Pari sa ikapito nga bulan sa tuig 160 sa Pangilin sa mga Balongbalong. Nagtigom siya ug kasundalohan ug nagbodega siya ug daghang kasangkapan sa mga hinagiban.
Si Jonatan Nagpaluyo kang Alejandro Epifanes22Sa pagkadungog ni Demetrio niini, naguol siya ug miingon,
23“Giunsa man nato paghimo nga nabintahaan man kita ni Alejandro? Gilig-on niya ang iyang pagkabutang pinaagi sa pagpakig-abin sa mga Judio.
24Magsulat usab ako kanila ug usa ka mahigalaong sulat nga magtanyag ug tag-as nga katungdanan ug mga gasa aron magpaluyo sila kanako.”
25Misulat siya:
“Si Hari Demetrio ngadto sa nasod sa mga Judio, komusta.
26Nalipay kami sa pagkasayod nga gituman ninyo ang inyong mga katungdanan ubos sa atong gikasabotan nga magpabilin kamo nga maunongon kanamo ug wala kamo mobali ngadto sa atong mga kaaway.
27Karon kon magpadayon kamo pagpabilin nga maunongon kanamo, gantihan kamo namo pag-ayo.
28Dili kamo namo pabayron sa daghang mga buhis ug hatagan kamo sa uban nga mga pribilihiyo.
29Pinaagi niini nagtugot ako nga ang tibuok katawhan sa mga Judio malingkawas ug dili mahiapil sa pagbayad sa naandang mga buhis, sa mga buhis sa asin ug sa uban nga mga linain nga mga buhis.
30Dugang ug nakadaog siya sa gubat.
50Si Alejandro nakig-away ug maayo hangtod sa pagsalop sa adlaw, apan si Demetrio napatay niadtong adlawa.
51Unya si Alejandro nagpadala ug mga embahador ngadto kang Hari Tolomeo VI sa Ehipto uban niining mensahe nga nag-ingon:
52“Nahiuli na ako sa akong gingharian ug naglingkod sa trono sa akong katigulangan. Akong gidawat ang kagamhanan, ug nagmando na ako karon sa nasod.
53Nakiggubat ako kang Demetrio, gibuntog ko siya ug ang iyang kasundalohan ug giilog ko ang iyang gingharian.
54Karon andam na ako sa paghimo ug pagpakig-abin. Ihatag kanako ang imong anak nga babaye sa kaminyoon ug hatagan ko kamong duha sa mga gasa nga angay kaninyo.”
55Si Hari Tolomeo mitubag sa pag-ingon, “Bantogan ang adlaw sa imong paghiuli sa imong nasod ug sa pagdawat nimo sa trono sa imong mga katigulangan.
56Uyon ako sa imong sugyot, apan pakigkita una kanako didto sa Tolemais. Mag-ila kita didto ug ipaasawa ko kanimo ang akong anak nga babaye.”
57Busa sa tuig 162 si Tolomeo ug ang iyang anak nga si Cleopatra mibiya sa Ehipto ug miabot sa Tolemais.
58Gisugat sila ni Hari Alejandro, ug gipaasawa ni Tolomeo ang iyang anak. Ang kasal gisaulog didto sa Tolemais uban sa harianon nga kaluho.
59Si Hari Alejandro nagsulat ug naghangyo nga si Jonatan moari aron pagpakigkita kaniya.
60Busa si Jonatan, uban sa kaluho, miadto sa Tolemais ug nakigkita sa duha ka hari. Gihatagan niya sila ug mga gasa nga plata ug bulawan ug gihatagan usab ug daghang mga gasa ang mga dagko nga mga opisyal nga uban kanila. Ang tanan nakadayeg pag-ayo kaniya.
61Dungan niini may pipila ka mga mabudhion nga Judio nga buot mosamok kang Jonatan ug naghimog mga pasangil batok kaniya apan wala sila tagda ni Hari Alejandro.
62Nagsugo siya nga kinahanglan hatagan si Jonatan ug mga bisti nga harianon aron isul-ob
63ug gipasidunggan siya pinaagi sa pagtugot nga molingkod siya sa iyang kiliran. Gisugo ni Alejandro ang iyang mga opisyal sa pagdala kang Jonatan ngadto sa taliwala sa siyudad ug pagpahibalo nga walay makakiha batok kaniya tungod sa bisan unsang katarongan ug walay bisan kinsa nga magsamok kaniya.
64Sa pagkakita sa mga nagpasangil sa mga pasidungog nga gihatag kang Jonatan, sa pagkadungog nila sa pahibalo ug pagkakita nila nga gisul-oban siya sa harianon nga mga bisti, nangagiw silang tanan.
65Gidugangan pa gayod sa hari ang pagpasidungog kang Jonatan pinaagi sa pag-apil kaniya diha sa talaan sa Unang Hut-ong sa “Mga Higala sa Hari” ug pinaagi sa paghimo kaniya nga heneral ug gobernador sa iyang probinsiya.
66Si Jonatan mibalik ngadto sa Jerusalem nga nahimuot pag-ayo ug malampuson.
Ang Kadaogan ni Jonatan batok ni Apolonio67Sa tuig 165 si Demetrio II, ang anak ni Demetrio I, mibiya sa Creta ug miabot sa Siria, ang yuta sa iyang mga katigulangan.
68Sa pagkadungog ni Hari Alejandro mahitungod niini, nabalaka siya ug mibalik ngadto sa Antioquia, ang ulohan sa Siria.
69Gitudlo pag-usab ni Demetrio si Apolonio nga gobernador sa Siria Mayor. Si Apolonio nagtigom ug usa ka dako nga pundok sa kasundalohan, nagkampo duol sa Jamnia ug nagpadala sa mosunod nga mensahe ngadto kang Jonatan, ang Pangulong Pari:
70“Tungod kanimo gibugalbugalan ako apan nganong ikaw, diha sa imong mga kabukiran, nagpadayon niining pagsukol bisan walay usa nga nagpaluyo kanimo?
71Kon tinuod nga aduna kay pagsalig sa imong kasundalohan, dulhog ngari sa patag ug pagpakig-away diin kasulayan ang tagsatagsa nato ka kusog. Tun-i ang kahimtang ug makita nimo nga gipaluyohan ako sa kasundalohan gikan sa mga siyudad.
72Masayran nimo kinsa ako ug kinsa ang atong mga kaabin ug masusihan nimo nga wala kay purohan sa pagbarog batok kanamo. Ang mga nag-una kanimo gibuntog na sa makaduha diha sa ilang kaugalingong yuta
73busa unsaon man nimo pagpaabot sa pagbuntog sa akong kasundalohan nga nagkabayo ug sa matang sa kasundalohan nga ania kanako dinhi sa patag? Diri sa ubos walay bisan usa ka gamayng bato nga katagoan ug walay paagi sa pag-ikyas.”
74Sa pagkadawat ni Jonatan niining mensahea gikan kang Apolonio, nasuko siya. Mikuha siya sa 10,000 sa labing pinili nga mga tropa gikan sa Jerusalem. Ang iyang igsoon nga lalaki nga si Simon nagdala usab ug mga tropa ug ang ilang duha ka pundok sa kasundalohan
75nagkampo gawas sa Jopa. Ang mga kalakin-an sa siyudad nagdumili sa pagpasulod kanila tungod kay adunay usa ka pundok sa kasundalohan sa mga tropa ni Apolonio didto apan giataki sila ni Jonatan
76ug ang mga kalakin-an sa siyudad hilabihan kalisang busa giablihan nila ang mga ganghaan ug gipasulod nila si Jonatan aron makuha ang Jopa.
77Sa pagkadungog ni Apolonio sa nahitabo, gitigom niya ang 3,000 ka sundalong nagkabayo ug ang usa ka dakong pundok sa kasundalohan nga maglakaw. Nagpakaaron-ingnon sila nga misibog paingon sa habagatan padulong sa Asdod. Apan migula siya ngadto sa kapatagan nga masaligon sa kusog sa iyang kasundalohang nagkabayo uban sa kadaghanan sa iyang kasundalohan,
78-79gipahiluna niya ang 1,000 ka nagkabayo diin makahimo sila pag-ataki sa kasundalohan ni Jonatan gikan sa luyo. Si Jonatan nagpadayon paggukod hangtod sa Asdod, diin ang duha ka pundok sa kasundalohan nagkasangka sa gubat.
80Wala makaamgo si Jonatan nga siya gihup-an. Ang iyang kasundalohan gilibotan ug ang mga udyong sa kaaway miulan ngadto kanila gikan sa buntag hangtod sa pagkagabii.
81Apan ang mga tawo ni Jonatan mibarog nga malig-on sumala sa iyang gibaod ug ang nag-ataki nga nagkabayo gikapuyan.
82Unya sa diha nga mahutdan na sa kusog ang mga nagkabayo, mitungha si Simon niadtong higayona uban sa iyang kasundalohan ug miataki ug gibuntog nila ang kasundalohan nga naglakaw nga nagkatibulaag ug nanagan.
83Ang mga nagkabayo nga karon nagkatibulaag na sa tibuok patag nga gigubatan nanagan ngadto sa Asdod diin nanangop sila didto sa templo ni Dagon, ang ilang dios.
84Apan gisunog ni Jonatan ang siyudad ug ang templo ni Dagon hangtod nangamatay ang tanan nga midangop didto. Unya iyang gisunog ang naglibot nga mga lungsod ug gisakmitan sa ilang mga kabtangan.
85Niadtong adlawa mga 8,000 ang gipatay didto sa gubat o nasunog hangtod namatay.
86Si Jonatan mitalikod ug nagkampo didto sa Ascalon, diin ang mga lalaki sa siyudad nanggula aron pag-abiabi kaniya sa dagkong pagpasidungog.
87Si Jonatan ug ang iyang mga tawo namalik ngadto sa Jerusalem dala ang daghan kaayong mga sinakmit.
88Sa pagkadungog ni Hari Alejandro sa nahimo ni Jonatan, gihatagan siya ug mas dako pa nga pasidungog.
89Gipadad-an siya ug usa ka bulawan nga hibilya sa abaga nga ihatag lamang ngadto sa gipasidunggan sa titulo nga “Paryenti sa Hari.” Gihatag kaniya ang usab siyudad sa Ekron ug ang mga naglibot nga kayutaan niini.
Who We AreWhat We EelieveWhat We Do
2025 by iamachristian.org,Inc All rights reserved.
