1Gipul-an na ako sa kinabuhi,
busa paminawa ang akong pagmulo,
ug pasultiha ang kalag kong nagbangotan.
2Dios ko, ayaw akog siloti.
Sultihi hinuon ako sa imong sumbong batok kanako.
3Matarong ba ang pagsakit mo kanako?
Matarong ba nga tamayon mo ang imo rang binuhat,
ug ikahimuot mo ba ang laraw sa mga daotan?
4Ang pagtan-aw mo sa mga butang sama ba sa pagtan-aw sa tawo?
5Mubo ra ba ang kinabuhi mo sama sa mga adlaw ug tuig sa kinabuhi sa tawo?
6Unya nganong susihon man nimo ang tanan kong mga sala
ug ang tanan kong mga kasaypanan?
7Nasayod
9Hinumdomi nga giumol mo ako gikan sa yuta;
unya imo ba diay akong dugmokon ug pabalikon sa yuta?
10Gihatagan
16Kon aduna man akoy kalamposan,
daw liyon ako nga imong pangayamon.
Gani naghimo kag mga milagro aron pagsakit kanako.
17Kanunay kang may saksi batok kanako;
nagkadugang ang imong kasuko kanako;
dili ka gayod kabsag kapasikaran sa pagpaantos mo kanako.
18Dios ko, nganong gipakatawo mo man ako?
Maayo pa unta nga namatay ako sa wala pay nakakita kanako.
19Kon namatay pa ako sa paggula ko sa tiyan sa akong inahan,
sama ra kana nga wala ako matawo.
20Dili ba hapit na man matapos ang akong kinabuhi? Ayaw na akog hilabti!
Tugoti ako sa pagpahimulos sa panahon nga nahibilin kanako.
21Ug sa walay pagbalik mobiya ako
ngadto sa yuta nga mangitngit ug mamingaw,
22sa dapit sa kangiob ug kaguliyang
diin mangitngit bisan ang kahayag.
Who We AreWhat We EelieveWhat We Do
2025 by iamachristian.org,Inc All rights reserved.
