1Modimo kgale o boletše le botatawešo gantši le ka mekgwa e mentši ka Baporofeta;
2Mehleng yeno ya bofelo a tla a bolela le rena ka Morwa yo a mmeilego mojabohwa wa tšohle, e le yo a dirilego legohle ka yena.
3Gomme yena eo, e le yena seetša sa go tšwa letagong la Modimo, e lego yena sewantšho sa lebopo le Modimo a lego ka lona, e le yena e a rwalago legohle ka maatla a lentšu la gagwe, o itirile tlhatso ya go hlatswa dibe; a ya a dula ka letsogong le letona la bogoši bja magodimong.
4A phala barongwa ka bogolo ka go tšea bohwa bja leina le le fetago a bona ka bogolo.
5Gobane ke ofe morongwa yo a kilego a bolela nae a re: O Morwa wa ka; lehono ke go tswetše, a buša a re: Ke tlo ba tatagwe; mme yena e tlo ba Morwa wa ka!
6A boeletša mola a sebela lefase go tla ga Morwa wa gagwe a re: Barongwa bohle ba Modimo ba tlo lotšha yena.
7Barongwa bona ge a ba bolela o re: Meoya o e dira barongwa ba gagwe; bahlanka ba gagwe ke kgabo tša mollo.
8Ge e le Morwa o mmolela a re: Sedulo sa gago, wena Modimo, ke sa neng le neng; lehlotlo la gago la bogoši ke lehlotlo la go loka.
9O rata gona go loka; o hloya bokgopo. Ke ka baka leo, wena Modimo, Modimo wa gago a go beilego kgoši, a go tlotša makhura a lethabo, gwa hlokwa mokawena.
10A buša a re: wena Morena, o wa mola o thea lefase; mme magodimo ke tiro tša atla tša gago.
11Mme ona a tlo ba a loba, wena wa tlo šala o le gona; ona a tlo onala ohle boka kobo.
12A tlo šatolwa boka seaparo a fetoga. Wena o tlo dula o le se o lego sona, mme nywaga ya gago e ka se ke ya ba ya fela.
13Le gona ke ofe wa barongwa yo a mmoditšego a re: Dula ka letsogong laka le letona, ke be ke dire manaba a gago bogato bja nao tša gago?
14Ka moka ga bona a ga se meoya ya go hlankela ba bangwe, meoya ya go rongwa ya yo direla bao ba go tlo ja bohwa bja phološo?
Who We AreWhat We EelieveWhat We Do
2025 by iamachristian.org,Inc All rights reserved.
