DIPSALME 6 - Northern Sotho 1951/1986（NSO51）

Morena a a mphodišeSefela sa Dafida, sa mohlabeledi ka dinaka le makope.

1Morena, se nkotle o befetšwe; se ntshole o sa galefile.

2Nkgaugele Morena! Ke fedile maatla. Mphodiše Morena! Mašapo a ka a tšhogile.

3Pelo ya ka e tšhogile kudu. Morena, gomme wenaa --? Go tlo feletša kae?

4Boa, Morena, hlakodiša moya wa ka; O mphološe ka ge o le yo botho.

5Hleng ga go wa go tlo go elelwa ge a hwile; kua bodulabahu o sa tlo retwa ke mang?

6Ke bile ke lapile ka phegelo tša ka; marobalo a ka ke lala ke a kolobiša; mme dilao tša ka di senyega ka mekgokgo ya ka.

7Mahlo a ka a gohlometše ka go lla; a rotola ka ge ke atetšwe ke bahloi.

8Nkgomeleng, lena badirabobe bohle, gobane Morena sello sa ka o se kwile.

9Morena o nkwile ge ke mo llela; o ntumetše ge ke rapela.

10Manaba a ka ohle a tlo lewa ke dihlong, a tlo tšhoga gagolo, a goma a llwe ke dihlong e sa le semeetseng.