1 KORONIKA 2 - Northern Sotho 1951/1986（NSO51）

Barwa ba Jakobo, moloko wa Juda

1Bana ba Isiraele šeba: Rubeni, le Simeone, le Lefi, le Juda, le Isashara, le Sebulone,

2Le Dani, le Josefa, le Benyamini, le Nafutali, le Gada, le Asere.

3Bana ba Juda ke Ere, le Onane, le Sela; ba bararo ba ba mmelegetšwe ke Sua mosadi yola wa Mokanana. Ge e le Ere morwa wa ntlha wa Juda, Morena o bone e le yo mobe, a mmolaya.

4Thamara ngwetši ya gagwe o mmelegetše Pheretse le Sera. Barwa ba Juda ka moka e be e le ba bahlano.

5Bana ba Pheretse ke Hetsirone le Hamulu.

6Bana ba Sera ke Simiri, le Athana, le Hemana, le Kalakolo, le Dara. Ka moka ke ba bahlano

7bana ba Karami ke Akane; ke yola a kilego a hlolela Baisiraele kotsi ka go tšea tše di bego di gafilwe moka.

8Bana ba Ethana ke Asaria.

9Bana ba Hetsirone ke Jeramiele, le Rama, le Kelubai; ke bona ba mmelegetšwego.

10Rama o tswetše Aminadaba; Aminadaba o tswetše Nahasone mokgoma wa Bajuda.

11Nahasone o tswetše Salama: Salama a tswala Boase.

12Boase a tswala Obede; Obede a tswala Isai;

13Isai a tswala Eliaba morwa wa ntlha wa gagwe; wa bobedi ke Abinadaba; wa boraro ke Simei;

14wa bone ke Nethaniele; wa bohlamo ke Radai;

15wa go selela ke Otsema; wa go šupa ke Dafida.

16Dikgaetšedi tša bona ke Tseruya le Abigaile.

Bana ba Tseruya ke Abisai, le Joaba, le Asahele, ba bararo bao.

17Abigaile o belege Amasa; tatago Amasa ke Jethere wa Moisimaele.

18Kalebe morwa wa Hetsome o belegetšwe bana ke Asuba mosadi wa gagwe, le ke Jeriothe. Bana ba bona šeba: ke Jesere, le Sobaba, le Aridone.

19Asuba ge a hwile, Kalebe o tšere Efurathe; yena a mmelegela Huri;

20Huri a tswala Uri; Uri a tswala Betsaliele.

21Ka morago Hetsirone o tsene go morwedi wa Makiri tatago Gileada, a mo tšea a na le nywaga e masome a selelago; yena eo a mmelegela Seguba.

22Seguba o tswetše Jairi; yena; e o be a na le metse e masome a mabedi a metšo e meraro nageng ya Gileada.

23Bagesuri le Ba-Siria ba ba amogile metsana ya Jairi, le Kenathe le metsana ya gona; e be e le metse e masome a selelago. Ka moka e be le ya bana ba Makiri tatago Gileada.

24Mehleng ya ge Hetsirome a hwetše motseng wa Kalebe-Efuratha, Abia mosadi wa Hetsirone o mmelegetše Asuhuru tatago Thekoa.

25Bana ba Jeramiele morwa wa ntlha wa Hetsirone, ke Rama wa ntlha, le Buna, le Orene, le Otsema, le Ahia.

26Jeramiele o be a na le mosadi e mongwe, leina la gagwe e be e le Atara; ke yena mmago Onama.

27Bana ba Rama morwa wa ntlha wa Jeramiele, e be e le Maatsi, le Jamina, le Ekere.

28Bana ba Onama e be e le Samai le Jada. Bana ba Samai e be e le Nadaba le Abisuri.

29Leina la mosadi wa Abisuri e be e le Abigaile; yena e o mmelegetše Agabani le Molidi.

30Bana ba Nadaba ke Seledi le Apaima. Seledi o hwile a se na bana.

31Bana ba Apaima ke Jisi; bana ba Jisi ke Sesane; bana ba Sesane ke Ahalai.

32Bana ba Jada monnago Samai ke Jethere le Jonathane. Jethere o hwile a se na bana.

33Bana ba Jonathane ke Pelege le Sasa. Ke bona bana ba Jeramiele.

34Sesane o be a se na barwa, ge e se barwedi fela. O be a na le mohlanka wa Moegipita, leina la gagwe e be e le Jaraha.

35Yena yo, Jaraha, Sesane o mo tšeišitše morwedi wa gagwe, a mmelegela Athai.

36Athai a tswala Nathane; Nathane a tswala Sabadi.

37Sabadi a tswala Efilala, Efilala a tswala Obede.

38Obede a tswala Jehu; Jehu a tswala Asaria;

39Asaria a tswala Haletse; Haletse a tswala Eleasa;

40Eleasa a tswala Sisemai; Sisemai a tswala Salume;

41Salume a tswala Jekamia; Jekamia a tswala Elisama.

42Bana ba Kalebe monnago Jeramiele ke Mesa, wa ntlha, -- ke yena tatago Sifi, -- le bana ba Maresa tatago Heburone.

43Bana ba Heburone ke Kora, le Thapua, le Rekema, le Sama.

44Sama o tswetše Rahama tatago Jorokeama. Rekema o tswetše Samai.

45Morwa wa Samai ke Maone; Maone ke tatago Betsuri.

46Efa mosadi wa Kalebe o belege Harane, le Motsa, le Gasese.

47Bana ba Johadai ke Regema le Jothama, le Gesani, le Phelete, le Elifa, le Saafe.

48Maaka mosadi wa Kalebe o belege Sebere le Thirihana;

49a belega le Saafe tatago Mademana, le Sefa tatago Makabena, le tatago Gibea. Morwedi wa Kalebe e be e le Akisa.

50Bana ba Kalebe morwa wa Huri yo e lego wa ntlha wa Efuratha, ke Sobala tatago Kireathe-Jearima,

51le Salama tatago Betlehema, le Harefe tatago Bethe-Gadere.

52Sobala tatago Kiraethe-Jearima o be a na le barwa: ke Haroe le Hatsimenuhothe.

53Meloko ya ba Kireathe-Jearima ke boJithiri, le boPuti, le ba Sumathi, le ba Misirai. Go bona go tšwile ba Tsorea le ba Esithaolo.

54Bana ba Salama ke ba Betlehema, le ba Netofa, le ba Atarothe, le ba BetheJoaba, le seripa sa ba Manathi le Tsorai.

55Ge e le meloko ya bamangwalo ba ba bego ba agile Jabese, e lego ba Thirea le ba Simea le ba Suka, bona ke Bakeni, ba ba tšwilego go Hamathi tatago leloko la Rekaba.