1Elihu a iša pele a re:
2A o re go swanetše ge o re: Ke lokile, e a sa lokago ke Modimo?
3Ge o re: Go loka go nthušang? Wa re: Ga go na bokaone bjo nkago bo bona ka go ila dibe.
4Ke tla go fetola ka se ke se botšago wena le bagwera ba ba gago.
5Llalela godimong o lebeleše, o bone maru godimo ga gago.
6Ge o dira dibe, yena o mo dirang? Le ge o ka atiša dikarogo, o mo dirang?
7Ge o loka, o mo fang? O tšwa le eng seatleng sa gago?
8Dibe o di direla motho mokawena; go loka ga gago go hola ngwanamotho.
9Batho ba hlaba mokgoši ge ba goletšwe ke ditlaitšego; ba lla ka baka la matsogo a ba maatla.
10Go hlokwa e a rego: Modimo Mmopi wa ka o kae? Mola e le yena a neago batho koša tša bošego,
11e a re rutago ra feta phoofolo tša lefase, a re fa bohlale ra feta dinonyana tša godimo.
12Sebao, ba a goeletša mme ga a arabe, ka gobane ba ikgantšha ka bobe bja bona.
13Ka kgonthe Modimo ga a kwe tša lefela; Yomaatlaohle ga di šetše.
14Gagolo ge o re: Ga ke mmone, o tsebe gore taba e pele ga gagwe. Dula o mo letele.
15Gomme bjale, ge bogale bja gagwe bo sešo bja otla, o se ke wa re dikarogo ga di tsebišiše.
16Jobo yena o ahlame a bolela tša lefela, a atiša dipolelo a sa tsebe selo.
Who We AreWhat We EelieveWhat We Do
2025 by iamachristian.org,Inc All rights reserved.
