1Gwa fetola Bilidada wa Sua, a re:
2Le tlo fetša neng go bolabola? Eletšegang, re tsebo bolela.
3Re reng re sengwa dikgomo, le re lebeletše ka lenyatšo?
4Wene o ikgagolago o befetšwe, a o re lefase le šale le na le wene o nnoši? A o re lentswe le šie madulo a lona?
5Aowaa, seedi sa ba babe se tlo tima; mollo wa sebešo sagwe o ka se hlwe o tuka.
6Seetša mo nywakong ya bona se tlo ba leswiswi; lebone la bona le tlo tima le le godimo ga bona.
7O tlo lesa go rotoba mme a babaela, a kopišitšwe ke maano a gagwe.
8Maoto a gagwe a mo iša malokweng, a yo gata go lego moreo.
9Molaba o mo tanya kokoilane, o kgangwa ke segole.
10Moutlo wa go mo swara o mo mmung, o theilwe mo tseleng.
11O dikwa ke tše šiišago, di mo rakediša mo a yago.
12O fela maatla ka tlala; o laletšwe ke dikotsi tša go tlo mo uša.
13Di tlo mo kgaola ditho, tšona maitšibulo a lehu, di tlo ja ditho tša gagwe.
14O tlo ubulwa mo ngwakong wa gagwe, mo a bego a re: Ke agile! O išwa go kgoši ya tše di šiišago.
15Ngwakong wa gagwe go tlo dula ba mathoko; motseng wa gagwe go tlo lokwa mollo.
16Medu ya gagwe e tlo omelela fase, mme godimo thabe tšagwe di a rengwa.
17Mono fase ga a sa tlo tsebja; a ka se be le ina mo mapatlelong.
18O tlo ba a rakilwe seetšeng, a ile leswiswing; o tlo ba moneneri wa mafase ohle.
19A ka se be le ngwana, ga a na setlogolo setšhabeng sa gabo; ga a na lešalela mo a bego a agile.
20Mohla go tlile letšatši la gagwe go tlabega ba bodikela, le ba bohlabela ba swarwa ke poifo.
21Ke tšona tša go tlela magae a bakgopo; ke tša motse wa go se tsebe Modimo.
Who We AreWhat We EelieveWhat We Do
2025 by iamachristian.org,Inc All rights reserved.
