DIPSALME 24 - Northern Sotho 1951/1986（NSO51）

Setšhaba sa Modimo se goroša Mong wa sonaSefela sa Dafida.

1Lefase ke la Morena, le makokokoko a lona, lefase lohle le baagi ba lona.

2Ke yena mothei wa lona godimo ga mawatle, mothekgi wa lona godimo ga dinoka.

3Thabeng ya Morena go tlo namela mang? Ke mang wa go tlo ema felo mo gokgethwa?

4Ke wa diatla tše di se nago bosodi, wa pelotshekegi, wa pelo e sa dumego tša lefela, a sa enego maaka.

5Yena yo o tlo amogela tšhegofatšo go Morena; o tlo ahlolelwa ke Modimo wa go mo emela.

6Ke wona mohuta wa bao ba go mo nyaka, ba go tsoma sefahlego sa gago, wena Modimo wa Jakobo.

7Hee lena dikgoro! Katologang! Ahlamang, lena mejako ya mehleng; go tsene Kgoši ya letago.

8Ke mang Kgoši yeo ya letago? -- Ke Morena wa maatla, mogale, Morena mogale ntweng.

9Hee lena dikgoro! Katologang! Ahlamang, lena mejako ya mehleng; go tsene Kgoši ya letago.

10Ke mang Kgoši yeo ya letago? -- Ke Morena wa mašaba. Ke yena Kgoši ya letago.