DIPSALME 111 - Northern Sotho 1951/1986（NSO51）

Go retwa ditšhegofatšo tša Modimo

1Haleluya! A nke ke leboge Morena ka pelo ka moka ke le mo pitšong ya ba ba lokilego, ke le phuthegong.

2Mediro ya Morena ke e megolo, e nyakwa ke bohle ba ba e ratago.

3Tše a di dirago ke bothakga le borena; go loka ga gagwe go tiile go ya go ile.

4O beile seeletši ka mehlolo yaagwe, yena Morena yo mabobo le yo tlhomogelo.

5Ba ba mmoifago o ba nea dijo; kgwerano ya gagwe a ka se e lebale neng le neng.

6Maatla a ditiro tša gagwe o a utolletše setšhaba sa gagwe, mola a se nea naga ya bantle.

7Mediro ya atla tša gagwe ke therešo le go loka; ditaelo tša gago ke tše di botegago.

8Ke tše di tiilego tša mehla e sa felego; di dirwa ka potego le go ila sebe.

9Setšhaba sa gagwe o se rometše topollo; kgwerano ya gagwe o e beetše mehla e sa felego; leina la gagwe ke le lekgethwa le le šiišago.

10Go boifa Morena ke mathomo a bohlale; tsebo e botse ke ya bohle ba dirago bjalo. Theto ya gagwe e tiile ka go sa felego.