1Modimo, kwaa lentšu la ka ge ke lla; diša bophelo bja ka ge le lenaba le šiiša.
2Mphemele ge bakgopo ba ntakana, ge badirabobe ba tsoša lerole.
3Ke ba maleme a bogale bja marumo, a nepa motho ka mesebe ya dipolelo tša go hlokofatša.
4Ba rata go betša yo bolo ba mo laletše; yo bolo o tšhoga ba mmetša ba sa boife.
5Ba hlohloletšana go dira tše dimpe, ba lakana go rea melaba, ba re: Re bonwa ke mang?
6Ba eletša tša bohlola, ba re: Re reile; go logilwe maano ruri. Matswalo le dipelo tša bona ka moka di tletše bomenetša.
7Modimo ke yena a tlogo betša bona ka mosebe; ba tlo tšhoga ba hlabilwe.
8Ba tlo wa ba rarilwe ke maleme a bona; gwa tlo kgotsa bohle ba ba di bonago.
9Batho bohle ba tlo tšhoga ba re: Ke modiro wa Modimo! Ba lemoga se a se dirago.
10Moloki o tlo ithabela Moreneng, a khuta ka yena; ba dipelo tša go loka ba tlo itlhalalela.
Who We AreWhat We EelieveWhat We Do
2025 by iamachristian.org,Inc All rights reserved.
