DIPSALME 48 - Northern Sotho 1951/1986（NSO51）

Sereto sa motse o mokgethwaSefela sa kopelo ya barwa ba Kora.

1Morena ke yena mogolo, Moretwaretwa wa motseng wa Modimarena thabeng e kgethwa ya gagwe.

2Thaba ya Tsione e eme e kgahliša, e le lethabo la naga ka moka. Mošate wa kgoši e kgolo o thoko ya leboa.

3Nywakong e megolo ya gona Modimo o tsebja ge e le yena lentswesebo.

4Re di bone mohla wola magoši a rapane, a botoga gammogo.

5Le ona a di bone mme a tšhoga, a šia, a tšhaba.

6A welwa ke mororomelo gona moo, ba šokwa wa mmelegi.

7Le maselawatle a magolo o a robaganya ka ledimo letšwabohlabela.

8Tšona tšeo re di kwile, re bile re di bone fa ga Morena wa mašaba, fa motseng wa Modimarena. O tlo fela a o thekga neng le neng.

9Modimo re gopola botho bja gago re le fa Ngwakong wa gago.

10Ditheto a di ye le leina la gago di fihlele magomo a lefase. Letsogo la gago le tletše go loka.

11Thaba ya Tsione a e ithabele, barwedi ba Juda ba hlakele pušo yaago.

12Potologang thaba ya Tsione, le e bone thoko tšohle; le bale dibo tša yona.

13Bogelang merako ya yona, le fete ka nywakong ya gona ya mošate; le kgone go tlo botša ditlogolo tša mehla e tlago, la re:

14Modimo yo ke yena Modimo wa rena wa mehleng le neng le neng; o tlo re sepediša go ya go ile.