DIPSALME 149 - Northern Sotho 1951/1986（NSO51）

Lethabo la Isiraele

1Haleluya! Hlabelang Morena sefela se sefsa, theto ya gagwe phuthegong ya bagaugelwa.

2A Isiraele a thabele yeo a mo dirilego, ba Tsione ba goloke Kgoši ya bona.

3A ba rete leina lagwe ka go le binela, ba mo leletše meropa le makope.

4Gobane Morena o kgahlwa ke setšhaba sagwe, o tšhepiša babotlana ka phološo.

5Bagaugelwa ba gagwe a ba fadiše letago, ba mo hlalalele ba le dilaong tša bona.

6Megolo ya bona a e be ya direto tša Modimo; diatla tša bona a e be tša marumo a magale a mabedi,

7a gore go išwe tefetšo go ba ditšhaba, dikotlo di išwe merafong.

8Gore dikgoši tša bona di tlengwe ka tšhipi, le dinopodi tša bona di bofiwe ka dingangane.

9Gore ba dirwe ka molao wo o ngwadilwego; e tlo ba bokwala bja bagaugelwa ba gagwe. Haleluya!