DIPSALME 124 - Northern Sotho 1951/1986（NSO51）

Ge e ka be e se MorenaSefela sa maeto.

1Mola Morena a ka be a sa ka a ema le rena, -- a Isiraele a realo, --

2Mola Morena a ka be a sa ka a ema le rena mola batho ba re tsogetše,

3Ba kabe ba re meditše re sa phela mola bogale bja bona bo re tukela,

4Meetse a kabe a re khupeditše, mafula a re feta ka godimo.

5Mafula a boikgogomošo a ka be a feta meoya ya rena ka godimo.

6Morena a a lebogwe ge a sa ka a re gafela menong a bona ra gagolwa.

7Meoya ya rena e phonyokgile bjalo ka nonyana ge e phonyokgile molabeng wa morei; lenti le kgaogile, mme rena re phologile.

8Tlhakodišo ya rena e leineng la Morena, e a dirilego legodimo le lefase.