DIPSALME 54 - Northern Sotho 1951/1986（NSO51）

Thapelo tlalelongYa mohlabeledi, ka makope. Thuto ya Dafida. Ke ya mohla wola Basifi ba tlile go Saulo ba re: A o tseba gore Dafida o iphihlile kua ga gešo?

1Modimo, mphološe ka leina la gago; o nkahlolele ka maatla a gago.

2Modimo kwaa thapelo ya ka; o utlwele ruri ge ke bolela.

3Ka gobane ke tsogetšwe ke ba mathoko; ke theilwe ke batho ba bašoro; ke ba go se itebanye le Modimo.

4Anthe, nna mohlakodiši wa ka ke Modimo; Mong a ka ke yena monthekgapelo.

5Ba ba ntalelago o tlo ba bušetša tše di mpe tšeo; a ke o ba šwalalanye ka ge o mpotegetše.

6Ke tlo go tlišetša sebego ka go ithapa, ka leboga leina la gago, Morena, gobane ke le lebotse.

7Gobane o mphološa dikotsing ka moka; mme mahlo a ka a bona tše manaba a ka a dirwago tšona.