DIPSALME 147 - Northern Sotho 1951/1986（NSO51）

Sereto sa bogolo bja Modimo

1Haleluya, gobane go bina koša ya Modima rena ke gabotse; go mo reta go monate, gomme go swanetše.

2Morena o aga motse wa Jerusalema, o kgobela bafaladi ba Isiraele.

3O fodiša ba dipelo tše robegilego, o tlemelela ntho tša bona.

4O beile palo ya dinaledi, ka moka ga tšona o di bitša ka maina.

5Mong wa rena ke e mogolo, ke yo maatla a mantši, ke yo bohlale bjo bo sa elwego.

6Morena mohlekabahlaki; ba babe o ba wetša fase.

7Opelelang Morena ka go mo leboga, le binele Modima wa rena ka diletšo.

8Moširalerata ka maru, Mmeela lefase dipula, Mmediša bjang dithabeng.

9Dikgomo o di fa dijo tša tšona, le mafoto a magukubu ge a mo llela.

10O nyatša maatla a dipitsi, manotlo a monna ga se ona a mo thabišago.

11Morena, ba ba mo kgahlago ke ba ba mmoifago le ba mmotilego botho.

12Hee Jerusalema! Reta Morena! Hee Tsione! Tlotla Modimo wa gago.

13Ke yena a tiišago magoro a gago, o atla bana ba gago motseng.

14O ageletše mellwane ya gago ka molao, o go horiša ka mabele' a nonnego.

15O roma ditaelo tšagwe tša tla lefaseng; mme lentšu la gagwe le sepeleša ka lebelo.

16O neša leswela boka leokodi; tšhwane o e gaša bjalo ka molora.

17O neša sefako bjalo ka disohlo; phefo ya gagwe e fenywa ke mang?

18A roma ditaelo tša gagwe, o a di tološa; a tsoša ledimo lagwe, meetse a a ela.

19Mme lentšu la gagwe o le anegetše Bajakobo; Baisiraele o ba anegetše melao ya gagwe le mekgwa ya gagwe.

20Mo go bantle bohle ga a ešo a ba a di dira; mme mekgwa ya gagwe bona ga ba e tsebe. Haleluya!