DIPSALME 20 - Northern Sotho 1951/1986（NSO51）

Setšhaba se rapelela kgošiYa mohlabeledi, sefela sa Dafida.

1Morena a ke a go kwe mohla wa tlalelo; leina la Modimo wa Jakobo le go phagamiše.

2A a go phalalele a etšwa Ngwakongmokgethwa, a go thekge a etšwa Tsione.

3A a gopole dibego tša gago ka moka, a tsefelwe ke dihlabelo tša gago.

4A go nee tše pelo ya gago e di ratago, a phethe merero ya gago ka moka.

5Re hlalale ge o le mofenyi, re tsema difoka ka leina la Modimo wa rena. A Morena a go nee tše o di kgopelago tšohle.

6Bjalo ke tseba gobane Morena o phološa motlotšwa wa gagwe; o mo arabela a le kua magodimongmakgethwa a gagwe, ka ditiro tše maatla tša phenyo tša letsogo la gagwe.

7Bala ba botile makoloi; bano ba kgantšha dipitsi; ge e le rena re kgona ka leina la Morena Modimo wa rena.

8Bala ba wile ba robega; mme rena re tsoga re ema re tiile.

9Morena, lwela kgoši ye o e beilego; O re kwe mohla re go bitšago.