1Phetolo e boleta e phohliša dipefelo; lentšu la go ferelela le tsoša bogale.
2Leme la bahlale le tsefiša tsebo; melomo ya ditlatla e tšhologa tša bošilo.
3A mo go fela, mahlo a Morena; a okametše ba babe le ba bolo.
4Boleta bja leleme ke sehlare sa bophelo; ge le sa loke le gobatša moyemotho.
5Lešilo le nyatša tayo ya tatalo; go tlo hlalefa modumelatsholo.
6Ngwako wa moloko o na le matlotlo; leruo la e mobe le na le mafereka.
7Melomo ya bahlale e bjala tsebo; pelo ya lešilo ga e loke.
8Morena o nyenya didimo tša babe; o kgahlwa ke thapelo ya baloki.
9Morena o nyenya tsela ya yo mobe; o rata wa go phegelela toko.
10Moarogi o tlo tlelwa ke dikotlo tše bohloko; monyatšatšholo o tlo hwa.
11Bodulabahu le sekoti sa tahlego, Morena o a di bona; o bona le pelo tša bana ba batho.
12Mokweri ga a rate eo wa go mo sola; ga a ye go mohlale.
13Pelo e thabilego e thakga, sefahlogo; mojapelo o gataka moya.
14Pelotlhalefi e tsomeša tsebo; mahlo a setlatla a thabela tša bošilo.
15Yo madimabe matšatši a gagwe ka moka ke mabe; mafolofolo ke monyanya wa ka mehla.
16Lehumo le legolo le hlokišago khutšo, le phalwa ke tšhego e nago le go boifa Morena.
17Go ja morogo re ratana, go phala mola go hlabilwe kgomo e nonnego re hloyana.
18Wa sebefedi o tsoša tšhitano; wa go se fele pelo o fediša kgang.
19Tsela yy sebodu e hwa ka meetlwa; ya moloki ke mmila, e lekelane.
20Ngwanamohlalefi o kgahla tatagwe; monyatšammagwe ke motho wa lešilo.
21Mohlokakgopolo o thabela tša bošilo; monna wa kelello o swara tsela ya go loka.
22Maano a padile, go se keletšano; a tlo kgonega ge baeletši ba ka ata.
23Monna o thabela phetolo ya molomo wagwe; ka kgonthe lentšu la go tla lebakeng la gona, ke lona le le botse.
24Go yo bohlale mmila wa bophelo o iša godimo, gore a tlogelane le bodulabahu bo se kgole.
25Motse wa baipoti o tlo thubja ke Morena; mosadi wa mohlologadi o mo kgaolela tšhemo.
26Morena o hlaswa maano a mabe; tše e sego tšhila ke polelo tše di rategago.
27Wa bokgonatha o itšhenyetša motse; go tlo phela moilatsogolekobong.
28Pelo ya moloki e akanya diphetolo; molomo wa yo kgopo o tšhologa tše di befilego.
29Morena o kgole le ba babe; o kwa dithapelo tša baloki.
30Mahlo a mašweu a thabiša pelo; foko le bolo le tiiša ditho.
31Tsebe e thaetšago tsholo ye e phedišago, e itiša le bahlale.
32Molahlathuto o nyatša bophelo bja gagwe; mothaetša tšholo o huma tlhaloganyo.
33Go šia Morena ke yona thuto ya bohlale; boikobetšo bo latelwa ke kgodišo.
Who We AreWhat We EelieveWhat We Do
2025 by iamachristian.org,Inc All rights reserved.
