1Morena o boditše Mong wa ka a re: Dula ka letsogong la ka le letona, ke be ke dire manaba a gago bogato bja dinao tša gago.
2Morena o tlo roma molamo wa maatla a gago a le Tsione. Buša gare ga manaba ago.
3Mohla o e tšwa dira, setšhaba sa gago se tlo ithapa; ba bafsa ba gago ba tlo tšhepa ka tše kgethwa boka phoka ngwana wa mahuba.
4Morena o enne, a ka se šegame; Moperisita wa neng le neng ke wena ka mokgwa wa Melekitsedeke.
5Mong wa bohle o ema le wena; mme ka letšatši la bogale bja gagwe o tlo thubaka magoši.
6O tlo sekiša baditšhaba, gwa tlala ditoto; o tlo thubaganya naga e kgolo.
7Mo tseleng o tlo nwa nokeng, mme a tsoša hlogo.
Who We AreWhat We EelieveWhat We Do
2025 by iamachristian.org,Inc All rights reserved.
