JESAYA 15 - Northern Sotho 1951/1986（NSO51）

Kotlo e tlogo tlela Moaba

1Moeno molebaMoaba. Ari-Moaba go fedile, gobane go hutšwe bošexo. Kiri-Moaba go fedile, gobane go hutšwe bošego.

2Babaithi le Diboni ba tshabetše dithabeng ba lla. Bamoaba ba ilo lla Nebo le Medeba; dihlogo tšohle di kutilwe, maledu ohle a bootšwe.

3Mapatlelong a gona go aperwe mankgeretla; malapeng a gona le gohle mebileng go a llwa, selloseyelamegokgo.

4Hesiboni le Eleale go hlabja mekgoši, megoo ya gona e kwala kua Jahatse; mašata a bagale ba Moaba a tšwa fao, ba nolegile moko.

5Pelo ya ka e llela ba Moaba; ba motšhabo wa bona ba tla Tsoare, Egilathe Selisia; ba rotoga ka mokonya wa Luhite ka dillo; mo tseleng ya Horonaimi go tšhologa sello sa mašegerepe.

6Joo, letsha la Nimirimi le gopile, mabjang a omile, botala bo fedile; ga go sa na morogo.

7Bjale ba rwele tše di ba šaletšego; le thoto ya bona ba e sedišitše noka ya megokare.

8Joo, mellwaneng ya la Moaba go kwala dillo mo go fela; go bokolla go kwala Egiliami; go golola go bona go kwala Bereelima.

9Joo, letsha la Dimona le tletše madi, gobane Dimona go sa tlo tlelwa ke tše dingwe gape, ditau tše di tlogo tlela baphonyokgi ba Moaba le mašalela a naga.