DIPSALME 130 - Northern Sotho 1951/1986（NSO51）

Ke bitša ke le mo gobengSefela sa maeto.

1Morena, ke go bitša ke le fasefase sekoting!

2Mong wa ka, kwaa lentšu la ka; tsebe ya gago a e nkwele ruri ge ke goeletša.

3Ge wena Morena o latiša molato, gona go ka ema mang?

4Gobane tebalelo e go wena, gore o tle o boifše.

5Ke letetše Morena. Moya wa ka o letile. Ke holofetše lentšu la gago.

6Moya wa ka o letetše yena Mong wa ka, o fetiša ba tišo ya meso ge ba lebeletše meso.

7Isiraele a a holofele Morena, gobane go Morena go ne kgaugelo, go yena go na le phološokgolo.

8Mme yena o phološa Isiraele dibeng tša gagwe tšohle.