1Mokgalabjye o se ke wa mo kgalema ka thata. O mo eletše bjalo ka eke ke tatago. Masogana o a eletše bjalo ka eke ke bongwaneno.
2Bakgekolo o ba eletše bjalo ka eke ke bommago. Basadi ba bafsa o ba eletše bjalo ka eke ke bokgaetšedi ka mokgwa o mokgethwa wa ruri.
3Basadi ba bahlologadi o ba godiše; ke ra bao e lego bahlologadi ba ruri.
4Ge mohlogogadi a na le bana le ge e le ditlogolo, go bona bao sa pele a e be go ithuta borapedi ka lapa: e be go leboga batswadi ba bona. Ke gona go thakga le go kgahla Modimo.
5Ge e le mohlologadi e a šiilwego a nnoši, o holofela Modimo, o tiiša dithapelo le kgopelo bošego le mosegare.
6E a ilego le dikganyogo, yena o hwile le ge a sa phela.
7Le tšona tše o ba laele, gore ba ile bosodi.
8Ge motho a sa babalele babo, gagolo ba lapeng la gabo, o latola tumelo; o phalwa ke e a sa dumelego.
9Mohlologadi e a kgethwago ke phuthego a e be e a feditšego nywaga e masome a selelago, e a bego a tšerwe gatee fela,
10a e be e a nago le bohlatse bja mediro e botse, bja ge a tsebile go diša bana le go amogela baeng, le go hlapiša bakgethwa maoto, ge a thušitše batlaišegi, ge e le wa go phegelela mediro e botse yohle.
11Bahlologadi ba bafsa o se ke wa ba hlaolela modiro wa phuthego; gobane ge ba ikwa ba ngala Kriste, mme ba rata go tšewa.
12Mme molato wa bona e ba go hlanoga, ba thomile go dumela.
13Le gona ba tlwaela go theta le malapa ba se na modiro; e se ke ya ba go tšwafa fela, ya ba ditshele le go bolela tše di sa lokago.
14Ke gona ke ratago gore ba bafsa ba tšewe, ba belege bana, ba ditše malapa a bona, gore lenaba ba se le nee sebaka sa go roga.
15Gobane ba bangwe ba bile ba hlanogile, ba šala Sathane morago.
16Ge motho e le modumedi, mme mo go ba gabo go na le bahlologadi, a a ba babalele gore phuthego e se tlo imelwa; sa yona e be go babalela ba e lego bahlologadi ruri.
17Ba bagolo ba go emela phuthego gabotse, a ba godišwe gobedi, gagolo bao ba go itapiša ka go bolela le ka go ruta.
18Gobane mangwalo a re: Pholo ge e fola o se ke wa e tlemelela molomo; a buša a re: Modiri o swanetšwe ke moputso.
19Ge mogolo a ka begwa, o se ke wa amogela taba yeo ge e se ne dihlatse tše pedi le ge e le tše tharo.
20Ba ba sentšego o ba sole bohle ba le gona, gore le ba bangwe ba tšhoge.
21Ke go laela pele ga Modimo le Morena Jesu Kriste le Barongwa ba bakgethwa, gore o itote gore o se ke wa ahlola go sešo gwa sekwa, o se ke wa beba motho.
22O se ke wa hlaganela go bea motho diatla. O se ke wa hwetšwa o na le molato le bosenyi; itote o ile bosodi.
23O se hlwe o enwa meetse fela; nwaa le beinenyana ka baka la mala a gago, le bokoka bjoo bo felago bo go boela.
24Dibe tša ba bangwe di a bonala, di ba eta pele kahlolong; tša ba bangwe di ba latela morago.
25Le mediro e botse ya ba bangwe e a bonala; ge go e mongwe e sa bonale, e ka se dule e fihliwe.
Who We AreWhat We EelieveWhat We Do
2025 by iamachristian.org,Inc All rights reserved.
