1Molatšanyana molewagoleleago, o phala dinama di tletše ntlo le kgang.
2Morwamolešahlong o tlo bušwa ke molata yo bohlale, e a tlo go mo abela bohwa le bana babo.
3Meubeng go lekwa tshipitshehla; mollong go lekwa tshipikhwibidu; Molekapelo ke Morena.
4Mosenyi o kwa melomo e kgopo; moaketši o kwa leme la ditshele.
5Bakwerammotlana ba goboša Mmopi wagwe; mothabelatkotsi a ka se hloke kotlo.
6Seala bogolong ke ditlogolwana; pheta tša bana ke botatabo.
7Lentšu la senna le ronana le lešilo; la maaka le ronana le morwa wa kgoši.
8Mpho, mong wa yona o re ke talama; o re e nkgoniša tšohle tše ke di nepago.
9Mmoelanyi o nyaka leratano; moepollataba o šitanya le bagwera ba bohloko.
10Wa tlhaologanyo o kwa kgalemelo; mola tlatla se paletše kgati tše lekgolo.
11Senganga se tsoša mereba; se tlo tlelwa ke motseta wa sehlogo.
12A nke ke se gahlane le setlatla botlatleng bja sona; go kaone ke gahlana le sebata seamogwabana.
13Molefetšabolokabobe, bobe ka lapeng la gagwe ga bo tloge.
14Borumolang ke go thulela meetse nthoba; tšhaba, ntwa e sešo ya befa.
15Molwelasesenyi le motšwamoloki, Morena o ba nyenya bohle.
16Theko e reng atleng sa lešilo? Le re ke reka bohlale, le se ne mogopolo.
17Mogwera ke moratwa wa ka mehla; ke ngwanešo e a ntswaletšwego wa mohla wa tlalelo.
18Motho wa go hloka mogopolo ke phanadiatla, a itlema ka tša yo a sa tsebjego.
19Morataphapang o rata karogo; motlotlometšalemati o itlholela go welwa.
20Pelokgopo, tše bolo ga e di hwetše; leme la sehwirihwiri le wela bošuleng.
21Motswalasetlatla o rwele bothata; tatagolešilo ga a na go thaba.
22Pelo e thabilego ke sehlarehlare; majapelo a otiša mmele.
23Yo kgopo o tšea tsogolekobong; o senya tsela ya moahlolelo.
24Yo tlhaologanyo o itebanya le bohlale; lešilo, mahlo a lona a kua morumong wa lefase.
25Ngwana wa setlatla, monyamišatatagwe, motswadi wa gagwe o babja ke pelo.
26Go lefiša le yo bolo go befile, gagolo ge go otlwa ba bagolo.
27Matseba ga se mmolabodi; molemogi o pelokeledi.
28Le lešilo le ka sengwa yo bohlale, ge le homola; ge le sa ahlame, ba ka re le a tseba.
Who We AreWhat We EelieveWhat We Do
2025 by iamachristian.org,Inc All rights reserved.
