1Morena, ganetša ba ba nkganetšago, o lwe le ba lwago le nna.
2Swara kotse le setheko, o eme o ntwele.
3Goga lerumo o sware selepe, o gahlane le ba ntlhomarago; o botše pelo ya ka o re: O tlo lwelwa ke nna!
4Ba ba tsomago moya wa ka a ba nyame mme ba gakanege; ba ba ntakanago a ba gome le dihlong.
5A ba etše maoko ge go tla ledimo; Morongwa wa Morena a ba rake.
6Tsela ya bona a e be leswiswi le boredi; Morongwa wa Morena a ba hlomarele.
7Gobane, mola ke se ne molato, ba nthea ka moreo le malokwa, ba nthea ka molete ke se ne molato.
8A ba tšhoge kotsi e ba aparela, ba tantšwe ke lokwa ba go le rea, di ba wele e le kotsi.
9Mme nna pelo ya ka e hlalala Moreneng, e thaba a ntlhakodišitše.
10Ditho tša ka tšohle di re: Morena, ke mang a etšago wena Molwela-mmotlana ge a paletšwe, mmotlana le modiidi ge a pateletšwa.
11Ke tsogetšwe ke dihlatse tša lonya; di mpotšiša tše ke sa di tsebego.
12Ba mpeka, nna mola ke ba atlile; ka šala le bodutu.
13Nna, mola ba hlokofetše, ka apara boso, ka ithlokofatša ka ikona dijo; ka rapela ke ribamiša mahlo.
14Ka tla ka re ke bagwera le banešo, ka nyama e ke ke hloboga mma.
15Bjalo ge nna ke hlotša, bona seng sa bona ba a thaba; ba bokana, e ke ke lakanwa ke mathoko; ba ke sa ba tsebego, ga ba kgaotše go nkgoboša.
16Ba nkgobotla ka dikwero; ba ahlama ba nnyefola.
17Mong a ka! A o tlo dula o di lebeletše? Khutšiša pelo ya ka diphotlelo, nna tšhuanaditaung.
18Ke tlo ba ka go leboga phuthegong e kgolo, ka go reta lešabeng le lentši.
19A nke ke se segwe ke ba fogo mpeka, ba go fo ntlhoya ba se hlwe ba kobonyana ka mahlo.
20Gobane ga ba bue tša molao; ba lakana tša go phara ba boleta nageng yeno.
21Ke bona ba go nkahlamela ba re: Agaa! Agaa! Re go bone!
22Wa go bona ke wena Morena. Mong a ka, se homole, o se nkeme kgole.
23Phafoga, o tsogele go nkahlolela. Modimo Mong a ka, a nke o ntwele.
24Morena Modimo wa ka, nkahlolele o sa hlaole, gore ba se thabe ka nna.
25Se dumele ge ba ka re: Kgone! Re ratile gona! Ba se ke ba re: Re mo meditše!
26A go lewe bona ke dihlong, go nyame bona bao bohle ba go thaba ge ke hlaka, bona bao ba go nnyatša a ba apešwe dihlong le kgobogo.
27Go hlalale go thabe ba go ema le nna; ba fele ba re: A go godišwe Morena, gobane o kgahlilwe ke molao wa mohlanka e wa gagwe!
28Ke mo leleme la ka le tlogo bolela go loka ga gago le theto ya gago ka mehla.
Who We AreWhat We EelieveWhat We Do
2025 by iamachristian.org,Inc All rights reserved.
