DIPSALME 67 - Northern Sotho 1951/1986（NSO51）

Morena šegofatša setšhaba sa gagoYa mohlabeledi, ka makope. Sefela, kopelo.

1Modimo a re gaugele a re šegofatše; a re phadimišetše safahlego sa gagwe,

2Gore mo lefaseng go tsebje tsela ya gago; mo go ditšhaba tšohle go tsebje phološo ya gago.

3Ditšhaba di go leboge, wena Modimo! Ditšhaba di tlo go leboga ka moka ga tšona.

4O tlo thabelwa, wa hlalalelwa ke merafo gobane o buša ditšhaba ka toko, o hlahla merafo lefaseng.

5Ditšhaba di tlo go leboga, wena Modimo! Ditšhaba di tlo go leboga ka moka ga tšona.

6Lefase le ntšhitše dikenyo tša lona. Re šegofatšwa ke Modimo, Modimo wa rena.

7Re šegofatšwa ke Modimo. Magomo a lefase lohle a tlo boifa yena.