1Kotsi e tlo wela wene maphušole o sešogo wa phušolwa, wene mahlakole o sešogo wa hlakolwa. E tlo re o feditše go phušola, gwa tlo phušolwa wene; o feditše go hlakola, gwa tlo hlakolwa wene.
2Morena, re šokelwe! Re holofetše wena! Ba maatla a rena ka mehla gosasa, le monamoledi wa rena mehleng re tlaletšwe.
3Ditšhaba di tlo tšhaba modumo wa legoa; bantle ba tlo tšitlana ge go phagamile wene.
4Ke mo dihlakola tša lena di tlogo thopollwa boka tšie ge e golwa, bjalo ka bojane ge bo kitimelwa.
5Morena o phagame, o dutše kua godimong, mo Tsione o enetša toko le molao.
6Lebaka la gago e tlo ba la leago, e tlo ba la motlalo wa phološo le bohlale le wa tsebo; mme lehumo la gona e tlo ba go boifa Morena.
7Sebale bagale ba bona; ba goeletša ba le kua ntle. Batseta ba molao ba lla gabohloko.
8Mebila e wetše kgwahlana, tsela e hloka mofeti; mohlalamolaka o nyaditše metse, ga a šetše motho.
9Naga e a lla, e ponne; Thaba Libanoni e hlafile, e omile. Naga ya Sarona e etša lehanata; kua Basani le Karamele go hlohloregile.
10Bjale ke mo Morena a tlogo re: Ke tsogile! Bjale ke eme! Bjale ke phagame!
11Le amere bjang bo omilego; Le yo tswala pilo; le yo lewa ke mollo wa sehutla sa lena.
12Ditšhaba di tlo tšhungwa tša tlo ka morora, boka meetlwa ye e remilwego ge e swele.
13Lena ba kua kgole, kwang se ke se dirilego; le lena ba kgauswi, tsebang maatla a ka.
14Badiradibe ba Tsione ba tšhogile; ba lonya ba swerwe ke mothothomelo; ba re: Ke mang wešo e a kago rata go dula fa mollong wo o tukago? Ke mang wešo e a kago rata go dula fa mollong wo o sa timego neng le neng?
15Go tlo aga moyakatšebolo, mmuatoko, moilaruolasehlogo, moiletšaatlasagwe tsogolekobong, moithibatsebe a se kwe morero wa polao, maponye a sa thabelego tše mpe.
16Ke yena a tlogo aga mo thabeng, setšhabelo sagwe e le sebo sa lentsweng, a fiwa bogobe bja gagwe, meetse agwe a se gope.
17Mahlo ago a tlo bona kgoši bobotseng bja yona, a tlo bona bonami bja naga.
18Mme pelo ya gago ya elelwa tša mehla yela ya tšhogo, ya re o kae yola mongwalabatho, motšhediši, wa go ngwala dintlo tša merako.
19Tšhaba sela se sešoro o ka se hlwe o se bona, sa mmolelo wo o sa kwegego, o šele, o sa hlaloganyegego, ga o sa tlo se bona.
20O ko bone Tsione, motse wa menyanya ya rena! Mahlo ago a tlo bona Jerusalema e le legae la leago, e le ngwako o sa onalego, o sa hlomolwego dikokwane tša wona le neng le neng, o sa hlahlamologego lebalelo.
21Gobane gona mo Morena o tlo ba le rena e le yo borena, e le felo ga dinoka, dinoka tše kgolo, tše di sa selwego ka maselanoka le maselawatle a magolo.
22Gobane Mmuši wa rena ke Morena, Morena Molai wa rena, Morena kgoši ya rena, ke yena a tlogo re phološa.
23Dithapo di hlephile; ga di sa nganga thekgo ya kokwane ya leselawatle, ya go phurolla diphego tša lona. Ke mo go tlogo abaganywa dithebola tše dintši; le ba digole ba tlo rebola.
24Mo go ba ba agilego fa go ka se be le e a rego: Ke a babja, gobane ba dutšego fa ba lebaletšwe melato.
Who We AreWhat We EelieveWhat We Do
2025 by iamachristian.org,Inc All rights reserved.
