1Moelalešoka la lewatleng. Di tla di etšwa leboa boka sesesedi se kutologile. Di tla di etšwa šokeng, nageng e šiišago.
2Ke bontšhitšwe pono ya tše thata: Mohlanogi o a hlanoga; mošwalalanyi o a šwalalanya.
Hee Elama! Tšwaa dira! Hee Meda! Rakelela motse, o khutšiše batho diphegelo.
3Letheka la ka ge le hlokofala ke ka tšona; ke swerwe ke mašoko a etšago a mmelegi; ke kudupana, mme ga ke kwe; ke tšhogile, mme ga ke sa bona.
4Pelo ya ka e timetše, e ribegetšwe ke tlalelo; leswiswana le ke bego ke le rata le mphetogetše la mmoifo.
5Abang dijo! Alang magogwa le je le nwe. Lena bakgoma, tsogang le fokeleng dikotse!
6Gobane Mong a bohle o mpoditše a re: Sepela o bee mohlapetši, a bolele se a se bonago.
7Ge a bona makoloi a lokologane, le banamedi ba dipitsi le ba dipokolo le ba dikamela, a phafoge a hlapetše ruri.
8Tau ya goelela ya re: Mong a bohle! Ke hlwa ke eme ke letile; le bošego ka moka ke lala ke emetše go hlapetša.
9Bjale šebalaa go tla moloko wa banna, le banamedi ba dipitsi! A buša a re: O wile! Motse wa Babele; le diswantšho tša medimo ya gona o di robaganyeditše fase.
10Hee lena ba gešo ba go folwa, le tšwago seboeng sa ka! Ke le botša tše ke di kwilego go Morena wa mašaba Modimo wa Isiraele.
11Moeno moela-Duma. Ke goelela kua Seira, go thwe: Hee mohlapetši! Tša bošego di reng? Hee mohlapetši! Tša bošego di reng?
12Mohlapetši o re: Bošego ke bja matlagosa; fela, e sa le bošego. Ge le le ba go botšiša, le boe le tle fa le botšiše.
13Moeno molebaArabia. Le tlo lala sekgweng šokeng, lena makoko a Dedane.
14Ba ba nyorilwego ba tleleng le meetse; ba naga ya Thema le ba tlele le bogobe bjo bo lekanego bafaladi.
15Gobane ba tšhaba marumo le tšhoša ye e khwamotšwego, le bora bjo bo ngangilwego, le mathata a tlhabano.
16Gobane Mong a bohle o mpoditše a re: Go sa šetše ngwaga o tee, o kago ngwaga wa mothwalwa; ke mo go tlogo fela letago la Kedara.
17Mme palo ya babetši ba mesebe le bagale ba Kedara e tlo ba e sego nene; Gobane Morena Modimo wa Isiraele o realo.
Who We AreWhat We EelieveWhat We Do
2025 by iamachristian.org,Inc All rights reserved.
