1Mohla woo go tlo ba le sediba se se phuletšwego ba moloko wa Dafida le baagi ba Jerusalema, sa go hlapa dibe le ditšhila.
2Tša mohla woo šedi: Morena wa mašaba o re: Nageng ye ke tlo fediša le maina a medimo ya diswantšho; a ka se hlwe a tsebja; ke tlo tloša le bona baboni nageng ye, le ba moya wa ditšhila.
3E tlo re ge motho a sa re ke a porofeta, tatagwe le mmagwe ba ba mo tswetšego, ba tlo bolela nae ba re: O ka se ke wa phela, gobane o bolela maaka ka leina la Morena! Ke moka, tatagwe le mmagwe ba ba mo tswetšego, ba tlo mo hlaba a sa re ke a porofeta.
4Mehleng yeo baporofeta ba tlo lešwa dihlong; mang le mang o tlo lešwa hlong ka pono tša gagwe tša go porofeta; ba ka se ke ba apara kobo ya boya ya go aketša.
5Ke mo motho eo a tlogo re: Nna ga ke moporofeta; ke molata wa go lema; e sa le mola ke rekwa, ke mohlanka go tloga bjaneng.
6Ge ba tlo re: Mabadi ao diatleng tša gago ke ang, o tlo re: Ke a mola ke gobala ntlong ya ba nthatago!
7Hee lerumo! Tsogela modiši wa ka, monna yo a nago le nna! O realo Morena wa mašaba. Tia modiši, dinku di gašane; mme nna ke iše atla sa ka go ba banyenyane.
8Tša mohla woo šedi: Morena o re: Mo go batho ba bararo go tlo loba ba babedi, ba se hlwe ba eba gona; e a tlogo šala ke o tee wa bararo bao.
9Bona ba go šala ke tlo ba iša meubeng; ke tlo ba tološa boka tshipitshehla, boka tshipi e khubedu ge e seka meubeng. Bona, bao ba tlo mpitša ka leina, nna ka ba kwa, ka re ke bona batho ba ka: Bona ba re: Morena ke yena Modimo wa rena.
Who We AreWhat We EelieveWhat We Do
2025 by iamachristian.org,Inc All rights reserved.
