1Ke leboga Morena ka pelo ya ka yohle. A nke ke bole mehlolo ya gago ka moka.
2A nke ke thabe ke go hlalalele, ke opelele Leina la gago, wena Yogodimodimo.
3Ge manaba a ka a gomile, a kgopilwe a senyega ka mahlo a gago.
4Gobane o nkemetše mme wa nkahlolela. O dutše sedulong o le moahlodi a sa hlaolego.
5O kgaiša ba ditšhaba, o fediša ba makgopo; maina a bona o a fedišitšemoka go ya go ile.
6Manaba a feletše, ke mašegerepe a ka mehla; O thosantše metse, ga ba sa tsebja ke motho.
7Modula a le gona neng le neng ke Morena; sedulo sa gagwe o se beetše go ahlola.
8O ahlolela lefase lohle ka go se hlaole, o sekiša batho ka go loka.
9Morena ke yena sebo sa bahlaki, sebo mohla wa tlalelo.
10Ba ba tsebago leina la gago ba go holofetše, gobane o ka se ke wa lahla ba ba go nyakago, wena Morena.
11Opelelang Morena Modulatsione, le kwatše ditiro tšagwe ditšhabeng.
12Gobane yena molefetšamadi o di gopotše, ga a ka a lebala dikolomelo tša bahumanegi.
13Morena, nna o nkgaugetše; O bone ke hlakišwa ke bahloi, wa nkgomiša dikgorong tša lehu.
14Gore ke hlabe direto tša gago dikgorong tša ngwanenyana wa Tsione, ke hlalale ge o le Mophološi.
15Bantle ba wetše moreong wo ba o epilego; dinao tša bona di tantšwe ka moutlo wo ba o reilego.
16Go lemogilwe gobane Morena o a ahlola, Yena Tharanyababe ka ditiro tša diatla tša bona.
17Bakgopo ba tlo goma, ba ya boyabahu, le bantle ka moka, bagakwa-Modimo.
18Gobane mmotlana a ka se dule a lebetšwe; kholofelo ya modiidi ga e dule e le ya lefela.
19Morena, nanoga! Fediša mahlahlo a batho; ditšhaba ka moka di ahlolelwe o di lebeletše.
20Morena, ba beele mohlapetši, gore bantle ba itemoge, ge le bona e le batho.
Who We AreWhat We EelieveWhat We Do
2025 by iamachristian.org,Inc All rights reserved.
