DIPSALME 47 - Northern Sotho 1951/1986（NSO51）

Morena kgoši ya ditšhabaYa mohlabeledi. Sefela sa barwa ba Kora.

1Hee lena ditšhaba tšohle, opang magoswi, hlabang sefela sa Modimo ka mantšu a tlhalalo.

2Gobane Morena ke yena Yogodimodimo, yena Motšhabegi, Kgošikgolo ya lefase lohle.

3Ke yena a fentšego baditšhaba, ra ba buša, ra lotšhwa ke dilete.

4Ke yena a re kgethetšego magae a rena, nagathetwa ya Jakobo yo o mo ratilego.

5Modimo o rotoga ka mogobo, Morena o rotoga ka modumo wa diphalafala.

6Hlabang sefela sa Morena, hlabang! Hlabang sefela sa Kgoši ya rena, hlabang!

7Gobane kgoši ya lefase lohle ke Modimo; opang kopelo.

8Modimo o buša ditšhaba; o dutše sedulo sekgethwa sa gagwe.

9Babuši ba ditšhaba ba a kgobokana e le setšhaba sa Modimo wa Aborahama; gobane dikotse tša lefase ke tša Modimo Mophagamadima.