DIPSALME 85 - Northern Sotho 1951/1986（NSO51）

Morena, boela setšhaba sa gago!Ya mohlabeledi, sefela sa barwa ba Kora.

1Morena, naga ya gago o be o e gaugela, mme wa buša mathopša a Jakobo.

2O be o lebalela batho ba gago molato, wa bipa dibe tšohle tša bona.

3O be o gomiša dikgalefo tšohle tša gago, o be o tima mollo wa sekgoro sa gago.

4Re bušetše madulong a rena, wena Modimo Mophološi wa rena, o kgaotše go re gerula.

5A o tlo fela o re getla go ya go ile, wa fihliša bogale bja gago go ditlogolo le ditlogolwana?

6A ga o sa rata go re tsošološa, gore setšhaba sa gago se go thabele?

7Morena a nke re bone o le yo botho, o le wa go re phološa.

8A nke ke theetše se Morena a se bolelago. O bea molao wa tšhaba sa gagwe, wa bagaugelwa ba gagwe, wa bailabošilo.

9Ka kgonthe, phološo ya gagwe e batametše ba ba mmoifago, gore mo nageng ya gešo ga age letago la gagwe,

10Kguagelo le therešo di kopane, toko le khutšo di atlane.

11Potego e hloge nageng, toko e e ukametše kua magodimong.

12Ke mo le yena Morena a tlogo re fa tše dibotse, mme naga ya gešo ya tlo re ntšhetša dienywa.

13O etwa pele ke toko, lenao la gagwe le gata mo go lego tsela.