1Mohla woo Morena o tlo otla kwenakgolo, noga ya lebelo, le kwenakgolo noga ya go menagana; o tlo bolaya mamokebe wa lewatle, ka lerumo lagwe le le tiilego, le legolo, le le maatla.
2Mohla woo ba tlo hlaba fela sa serapa sa merara ye e rategago.
3Nna Morena, ke nna moloti wa sona; ke fela ke se nošetša; ke se leta bošego le mosegare, gore se se senywe.
4Mo go nna ga go sekgoro; fela, ge nka hwetša meetlwa le ditshehlo, ke di wela ka godimo ka lwa natšo, ka di fiša tšohle.
5E tle e re mohlomong rapa sa ka e be sa menono ge ke tsoša maatla. A se ntetlegele, a se ntetlegele!
6Mehleng e tlago Jakobo o tlo nama medu, Isiraele a khukhuše a hloge, a tlatše lefase dienywa.
7A fa o kile a go otla bjalo ka ge a otlile ba ba bego ba go otla? A o kile a go bolaya boka ge a bolaile ba ba bego ba go bolaya?
8Ge o ba khuduša, o ba iša go šele, e be e le go sekiša, go ba lotša ka phefo e maatla mohla wa ledimo.
9Molato wa Jakobo o tlošitšwe ka gona. Gomme yona kenyo ya ge go tlošwa dibe tšagwe še: Matlapa ohle a dialetare o tlo a phuma boka makokota go ka se hlwe go tsengwa kokwane tša medimo.
10Gobane motse wo o tiilego wo, o tlo dula o le fela, e le felo mo go hladilwego, mo go tlogetšwego bjalo ka lešoka, mo go fulago mamane a hutama a feditše dihlašana.
11Makala a gona ge a omile a tlo robja, basadi ba tla ba a dira a go gotša mollo. Go tlo ba bjalo ka gobane tšhaba se se sa lemoge. Bjale mmopi wa sona ga a sa se gaugela, e a se dirilego ga a sa se setša.
12Mohla woo Morena o tlo hlotha kenyo, a thoma ka tša nokeng e kgolo, a goma ka tša nokana ya Egipita; mme lena Baisiraele le tlo topša ka o tee ka o tee.
13Mohla woo go tlo letšwa phalafalakgolo; gwa tla ba ba raketšwego kua nageng ya Asuri, le ba go falalela Egipita, ba tlo tla ba lotšha Morena fa thabeng e kgethwa ya Jerusalema.
Who We AreWhat We EelieveWhat We Do
2025 by iamachristian.org,Inc All rights reserved.
