1Diema tša Salomo. Ngwana yo bohlale o kgahla tatagwe; mme ngwana wa lešilo o nyamiša mmagwe.
2Thuokgopo ga e tswale; toko e efoša lehu.
3Morena ga a latše moloki le tlala; o hlaswa bojato bja babe.
4Go diila moitšimeletši; lehumo ke la tsogo la seroto.
5Ngwana maano mokgobadijolehlabula; serokoroko sa punong se leša dihlong.
6Ditšhegofatšo ke tša hlogo ya moloki; melomo ya babe e uta bošoro.
7Ina la moloki e šala e le la ditšhegofatšo; la e mobe le a bola.
8Wa pelo e bohlale o dumela tayo; wa melomo ya bošilo o tlo ušwa.
9Wa tselathwii o swere ya go iketla; wa tselakgopo ba tlo mo hwetša.
10Wa go kobonya ka mahlo o a nyamiša; wa melomo ya bošilo o tlo ušwa.
11Molomo wa moloki ke mothopo wa bophelo; melomo ya babe e uta bošoro.
12Lehloyo le tsoša phapang. Lerato le bipa dikarogo tšohle.
13Molomo wa mohlaloganyi o hwetšwa o ne bohlale; mokokotlo wa setlatla, o tlo hwetšwa o nne kgati ya wona.
14Ba bohlale ke bahumatsebo; molomo wa lešilo, tšhego e kgaufsi.
15Thoto ya mohumi ke sebo sa gagwe; tšhego ya badiidi ke bosenyegelo.
16Thuo ya moloki e a mo phediša; khumo ya e mobe e iša sebeng.
17Mootolathuto o swere tsela ya bophelo; palabalai o a timela.
18Melomo ya maaka e uta lehloyo; mokwalakwatšatshele ke yena lešilo.
19Boati bja phoko ga bo hloke diphapogo; matsebe o swara molomo.
20Leleme la moloki ke lehumohumo; pelo ya e mobe ke lefela.
21Melomo ya moloki e lapološa ba bantši; mašilo a hwa ka go hloka mogopolo.
22Khumišo ke ditšhegofatšo tša Morena; ga e tlale ka go itapiša.
23Lešilo le senya le sega; monna wa tlhaologanyo sa gagwe ke bohlale.
24Yo mobe o welwa ke tše a bego a di šia; moloki o newa se a bego a se belaela.
25Ledimo ge le fetile, le e mobe o ile; moloki o thekgilwe, o dula a le gona.
26Tše tata le di dirago meno, tše muši o di dirago mahlo, ke tše sebodu se di dirago ba ba mo romago.
27Go boifa Morena go phediša galele; nywaga ya babe e a kgaotšwa.
28Kholofelo ya baloki ke lethabo; tše ba babe ba di botilego di a loba.
29Tsela tša Morena di khutiša ba lokago; di lahla ba go dira bobe.
30Moloki ga a šuthe neng le neng; ba babe ga ba dule, naga ga e be ya bona.
31Molomo wa yo bolo o hloga bohlale; leleme la ditshele le tla loba.
32Melomo ya yo bolo e tseba tše di thabišago, ya babe ke ya ditshele.
Who We AreWhat We EelieveWhat We Do
2025 by iamachristian.org,Inc All rights reserved.
