1Modimo, motseng wa Tsione ditheto di išwa go wena go ikhomoletšwe; go phethwa tše ba go enetšego tšona.
2Batho ka moka ba tla go wena mokwi wa dithapelo.
3Ge melato e nkimetše, e a re bipelago dikarogo ke wena.
4Wa lehlogonolo ke yo o mo kgethago, mme wa mmatametša, a dula malapeng a gago. Re khora bose bja Ngwakong wa gago, bja Ntlokgethwa ya gago.
5Ge o re araba ka tše šiišago ka go loka, o moholofelwa wa magomo ohle a lefase le wa mawatle a kua kgolekgole.
6Ke wena motheadithaba ka maatla a gago; O itlhama ka bogale.
7Wena mookobatši wa medumo ya lewatle, ge le duma le seloga, moukubatši wa meferefere ya ditšhaba.
8Ba ba dutšego kua magomong ba šia mehlolo ya gago; o hlaladiša ba kua bohlabela le ba kua bodikela.
9O etela naga wa e noša meetse; o e humišitše ka dinoka tša Modimo di tletše meetse; o ba medišetša mabele ge o dira ka mokgwa o mobjalo.
10O nošetša boleme bja naga, o kolobiša makokota, o nea monola ka pula, o šegofatša dimela tša yona.
11Ngwaga wo o o apeša botse bja gago; mehlala ya gago e ela makhura.
12Le mafulo a lešoka a a ela; le meboto e itšhepha ka tlhalalo.
13Melala e apere dihuswana; meedi e itlhama ka mabele. Go hlaletšwe go binwa dikoša.
Who We AreWhat We EelieveWhat We Do
2025 by iamachristian.org,Inc All rights reserved.
