DIPSALME 16 - Northern Sotho 1951/1986（NSO51）

Lethabo la e a holofetšego ModimoSefela sa Dafida.

1Modimo, ntete, gobane ke khuta ka wena.

2Morena ke mo rerile ka re: O Mong wa ka; ga ke na e a go fetago ka go botega.

3Bakgethwa ba mo nageng bona ke dinatla tša go nkgahla ruri.

4Mahloko a atela bao ba latelago o šele; didimo tša bona tša madi ga ke di dire; gomme maina a bona ga ke a bole ka molomo wa ka.

5Legae la ka le leruo la ka ke Morena; kabelo ya ka e dula e le ya ka ka wena.

6Nna ke aroletšwe felo ga monate; ruri nna ke agišitšwe mo go kgahlišago.

7Ke reta Morena e a ntailego; le pelo ya ka e lala e nthuta.

8Ke dula ke itebanya le Morena, o hleng ga ka, nka se ke ka šutha.

9Pelo ya ka e thabela tšona, le moya wa ka o hlaletše, mme mmele wa ka o robala o iketlile.

10Gobane moya wa ka o ka se ke wa o tlogela o le kua bodulabahu, o ka se ke wa lesa mokgethwa wa gago a bona lebitla.

11Ntsebiše mmila wa bophelo. Pele ga gago go tlala mathabo, menate e atleng sa gago se setona neng le neng.