DIPSALME 113 - Northern Sotho 1951/1986（NSO51）

Bogolo bja Modimo le botho bja gagwe

1Haleluya! Retang, lena bahlanka ba Morena, retang leina la Morena.

2Leina la Morena a le retwe go tloga bjalo le go ya go ile.

3Leina la Morena a le retwe go tloga bohlabela go iša bodikela.

4Morena o phagame godimo ga ditšhaba tšohle, letago la gagwe le ukametše magodimo.

5Ke mang a lekanago le Morena Modimo wa rena Modulaphagamong?

6O ukametše magodimo le lefase, o di bona di le tlase,

7a tsoša babotlana leroleng, a ntšha modiidi ditšhileng;

8a mo dudiša le babuši, le babuši ba setšhaba saabo,

9mosadi wa moopa o mo dudiša mo lapeng e le mmagobana a thabile. Haleluya!