1Ruri, motho sa gagwe faseng ke go hlabana. Matšatši a gagwe a etša a mothwalwa.
2O etša motlengwa modumamoriti; o etša molata mollasenewa.
3Nna la ka lefa ke kgwedi tša lefela; ke mašego a tapišo a a mpeetšwego.
4Ge ke lala ke re: Ke tlo tsoga neng? Bošego bo nkgolela ge ke hlobaela gwa ba gwa sa.
5Nama ya ka e apere dibokwana le dikgogo tša lerole; tlalo la ka ga le fole ka go fela le phera.
6Matšatši a ka a potlaka wa modiadiane; a feta a nkunne se ke bego ke se holofetše.
7Eletša, bophelo bja ka bo ka moya fela; mahlo a ka a ka se hlwe a bona tše dibotse.
8Ihlo la momponabjale le ka se hlwe le mpona. O tlo re o sa mpona, wa tlo hwetša ke se gona.
9Boka leru, la široga, ya ba go ela ruri; moyabahung a ka se hlwe a boa.
10Ga a sa boela lapeng; madulo a gagwe ga sa mo tseba.
11Mme nna, molomo wa ka nka se o thibele; ge moya wa ka o tlaletšwe, ke tla bua; ke tla bola tše di nkgalakago mo pelong.
12A ke nna lewatle? A ke nna Mamokebe, ge o mpeetše ba ba mpogelago?
13Ge ke sa re, malao a ka a nkhutšiše, marobalo a ka a ntlhatlole tše bohloko.
14E ba gona o ntšhošago ka diloro, o ntlaletša ka dipono;
15pelo ya ka ya ba ya re: Kaone ke go ka tlingwa! Mašapo a ka a -- bokaone ke go kwa!
16Ke tenegile; a nke ke se phele wa go se fele. Ntesetše; matšatši a ka ke lefela.
17Motho ke wang ge o mo godiša, ge pelo yago e mo hlokomela?
18Ke wang ge o fela o mo hlola e sa le bosasa, o sa kgaotše go mo leka?
19O tlo lesa neng go ntšhetša, ka metša mare o ntesitše?
20Ge ke sentše, wena Moletabatho ke go dirileng? O reng o ntira wa maelo, ka ba morwalo o nthobago?
21O reng o sa ntebalele diphapogo? Le molato wa ka o reng o sa o fediše? Gobane bjale ke yo ithobalela leroleng mme o tlo nnyaka wa ntlhoka.
Who We AreWhat We EelieveWhat We Do
2025 by iamachristian.org,Inc All rights reserved.
