HESEKIELE 15 - Northern Sotho 1951/1986（NSO51）

Go lahlwa boka phata ye e swilego

1Lentšu la Morena le ntletše la re:

2Ngwana motho! Seo phata ya morara e phalago dihlare tše dingwe ka sona ke eng? Ke ra lekala la morara le bapetšwa le dihlare tša sekgwa.

3A fa phata ya lona e ka tšewa gwa dirwa modiro ka yona? A fa e ka tšewa ya dira lemapo la go fega thoto mo go yona?

4Seo, e lahletšwe mollong ya ba legong! Mollo ge o fišitše dintlha tše pedi tša yona bogare bja diloga, a fa e sa na le modiro?

5Hleng mola e sa le phata e be e sa dire modiro; bjale ge e šetše e swile ka mollo, go sa tlo dirwang ka yona?

6Ke sona se Morena Mong wa bohle a se bolelago ge a re: Baagi ba Jerusalema ke ba dira lekala la morara le le gare ga dihlare tša sekgwa se ke se gafetšego mollo.

7Ke tlo lwa le bona; le ge ba etšwa mollong, ba sa tlo fišwa ke o mongwe mollo.

8Ke mo le tlogo tseba ge Morena e le nna, ge ke lwa le lena.

9Naga ya lena ke tlo e dira ya marope, e le go lefetša bahlanogi. O realo Morena.