1Moya wa ka o a fela; matšatši a ka a a tima; se se ntšhaletšego ke lebitla.
2Ba ka be ba lesa go nkwera, gore mahlo a ka a se hlwe a bona tša go nkgalakela.
3A ko mpeele montefedi wa go ntefela go wene; gobane ke mang wa go tlo fana diatla le nna?
4Dipelo tša bao o di utetše tsebo; ke mo o ka se kego wa ba reta.
5Monyakadithebola ka go eka wa gabo, mahlo a bana ba gagwe a tlo rotola.
6Nna o ntirile seema sa batho; ke šetše ke le wa go tshwelwa sefahlogo mare.
7Mahlo a ka a fifala ka masetlapelo; ditho tša ka tšohle di swana le moriti.
8Ke tšona di tlabago ba go loka, di lohlanya yo bolo le mokgelogi.
9Wa sethakga o tlo swara tsela; wa diatla tša go ila tšhila o tlo tielela.
10Gomme lena bohle le ka no boa la tla. Ge e le yo bohlale mo go lena se mo hwetše.
11A ka matšatši a fetile; ke senyegetšwe ke lehutšo, lona lehumo la pelo ya ka.
12Bošego ba bo dira mosegare; ba re: Seetša se kgauswi, mola go sa le leswiswi.
13Ge ke šetše ke bota lebitla ka re ke legae, ka re ke yo ikalela leswiswing,
14ka rera lebitla ka re ke tate, ka rera diboko ka re ke bomme le bokgaetšedi,
15ke sa botile eng? Se se ntšhaletšego se bonwa ke mang?
16Boyo ke kua magorong a bodulabahu, ge go robetšwe mmogo leroleng.
Who We AreWhat We EelieveWhat We Do
2025 by iamachristian.org,Inc All rights reserved.
