1Gwa fetola Elifase wa Thema, a re:
2Afa motho yo bohlale a ka fetola ka tsebo e etšago phefo fela, e ke o kokomoša mpa ka phefo ya bohlabatšatši?
3Afa a ka itwela ka mantšu a sa holego, le ka polelo e sego selo?
4Se wena o se dirago, o tsota Modimo, o senya borapedi.
5Wena o boledišwa ke bokgopo, o ikgethetše leme la ba lonya.
6O lahlwa ke legano lago, e sego nna; o begwa ke molomo wago.
7A ke wene motho wa mathomo ge o tswalwa? A o be o le gona go sešo gwa ba le dithaba?
8A o kile wa theetša thopa tša Modimo, wa tšea bohlale ka maatla?
9Keng se o se tsebago, rena re sa se tsebe? A o lemogile se rena re sa se lemogago?
10Le go rena go na le bagolo le ba hlogo tše pududu, ba ba fetago tatago ka nywaga.
11A o nyatša dikhomotšo tša Modimo le lentšu le le go tlelago ka boleta?
12Pelo ya gago e go iša kae? O reng ge o tomola mahlo?
13Moya wago o itira naba la Modimo, ge mo ganong ga gago go le polelo yeo.
14Motho ke wang ge go thwe a sekege? Ge ngwana wa mosadi a thwe a hwetšwe a lokile?
15Hleng le bakgethwa bagwe o šitwa go ba bota! Le legodimo o hwetša le sa seka.
16Bjale selalogi, -- wa makgapha, -- motho, -- e a nwago bobe boka meetse, yena o tlo mo reng?
17Ke tlo go ruta; ntheetše, ke go anegele tše ke di bonego,
18tše ba bohlale ba di bolelago ba kwile botatabo, mme ba se di ute.
19Ke bao ba bego ba filwe lefase ba nnoši; wa lethoko a se ke a tsena go bona.
20Mothomobe, sa gagwe ke go phela a boifa; le o šoro o utetšwe nywaga yagwe.
21O sa re: Le letše, a kwa mokgoši o mo tsena ditsebeng, a šwahletšwe ke lenaba.
22Ga a holofele go tšwa mo swiswing; o lebeletšwe ke lerumo.
23O tobatoba mme o nyaka dijo. Di go kae? O tseba gobane tsatši la leswiswi le mmeetšwe, le kgauswi.
24O hlokofatšwa ke tlalelo le poifo, di mo dika boka kgoši ge e tšwile dira.
25Ke ka gobane o lwa le Modimo, a kgantšha maatla pele ga Yomaatlaohle,
26A mo rumola ka molala o mothata, ka kotse tše di koto tša dinkuru.
27O širilwe mahlo ke go nona, le letheka lagwe le na le maswethe.
28O dula mo go metse ya matlawa, mo nywakong e sa dulego motho, ye e bego e thwe ke marope.
29Ga a rue selo, matlotlo agwe ga a dule; diako tša ba bjalo ga di inamele fase.
30A ka se ke a tlogwa ke leswiswi; mahlogedi a gagwe a tlo swa ka kgabo; a tlo rwalwa ke mohemo wa Modimo.
31A lese go bota lefela; o a iphora; se a tlogo se ruta ke lefela.
32Di tlo mo phethegela letšatši la gagwe le sešo la fihla; mme kala la gagwe la hloka mahlare.
33O tlo ka morara ge o kgotloga matata; o tlo ka mohlware o hlohloregago matšoba.
34Gobane sehlopha sa babe ke sa baopa; mme ntlo ya bahlakodi e tlo swa ka mollo.
35Ba duša bošula; ba tswala bokgopo; teng ya bona e tšweletša phoro.
Who We AreWhat We EelieveWhat We Do
2025 by iamachristian.org,Inc All rights reserved.
