1Motho e a belegwego ke mosadi, matšatši a gagwe ga se a makae, mme o hoše tapišego.
2O hloga bjalo ka letšoba, a be a hlohlorege; o feta bjalo ka moriti, ga a tie.
3Le ge e le yo bjalo, o dula o mo tsepeletše; nna o bile o ntshekiša.
4A fa mothomosekegi o kile a tšwa go yo tšhila? -- Le o tee!
5Hleng matšatši agwe a beilwe; palo ya dikgwedi tšagwe e go wene; o mmeetše mellwane, mme a ka se ke a sela.
6Mo šedimologe a khutše, a etše mothwalwa mothabelatšatšiagwe.
7Go sehlare go a holofelwa; le ge se rengwa se ka hloga; mme mahlogedi a sona ga a hlokwe.
8Le ge fase modu wa sona e le wa bogologolo, le ge thito ya sona e hwela leroleng.
9Ka monola o tlo hloga, wa ntšha thabe a ke o šimilwe.
10Monna yena ge a hwa, e ba go felela; motho ge a ile, o kae gomme?
11O etša meetse a letsheng ge a gopa, o etša noka ge e pšha ya oma.
12Motho o bjalo; o ithobalela a se tsoge; leratadima le tlo ba la šutha, ba sešo ba phafoga, ba sešo ba tsoga borokong.
13A mola o ka be o nkuta kua bodulabahu, bogale bja gago bja phohla o sa mphihlile, o mpeetše baka sa go tlo nkgopola!
14A motho e ka be e re ge a hwile, a buše a phele. Ke mo nkabego ke sa holofela mehla yohle ke le katanong, gwa ba gwa tla go fetoga ga ka.
15Wa tlo mpitša ka go arabela, o hlologetšwe bopša sa diatla tšago.
16Bjale gomme o bala kgato tša ka; gomme ga o ntiše gore ke se senye.
17Dikarogo tša ka o di boloka o di tlemeletše wa hlatlaganya tše e lego bobe bja ka.
18Ruri, thaba e ka wa ya phušoga; le lentšwe le ka šutha madulong a lona;
19meetse a gwaya maswika; mafula a gogola mobu wa lefase. Gomme le hutšo la motho o a le fediša.
20O mo dikološa mehla yohle, a be a fulare; o tlo ba wa mo raka a fetogile sefahlogo.
21Ge bana ba gagwe ba ka retwa, yena ga a sa tseba; ge ba ka nyatšega, ga a sa di lemoga.
22Bohloko o kwa bja nameng ya gagwe; go nyama pelo yagwe mo go yena.
Who We AreWhat We EelieveWhat We Do
2025 by iamachristian.org,Inc All rights reserved.
