DIPSALME 14 - Northern Sotho 1951/1986（NSO51）

Leswiswi la go se dumele (Ps. 53)Sefela sa Dafida, sa mohlabeledi.

1Setlaela pelong ya sona se re: Ga go Modimo! Ba dira tše di befilego, tša bolalogi. Ga go e a dirago tše dibotse.

2Morena a le kua magodimong, o ukametše bana ba batho, gore a bone ge go ka ba wa temogo, e a nyakago Modimo.

3Ba arogile ka moka ga bona, ba gobogile bohle; ga go e a dirago tše dibotse, le ge e le o tee.

4Badirabobe bao, ba jago setšhaba sa ka, a ga ba lemoge gore rumo le ja ba go se rapele Morena?

5Mohla wola ba tšhogile wa go tšhoga ge Modimo a emela ba mohuta wa go loka.

6Ge le lakana mmotlana, le ikiša dihlonyeng, gobane sebo sa gagwe ke Morena.

7A phološo ya Isiraele e tle e etšwa Tsione! Mohla Morena a tlogo fediša mohlako wa tšhaba sa gagwe, ke mo Bajakobo ba tlogo hlalala; Baisiraele ke mo ba tlogo thaba.