1Šele lentšu le Jeremia a le boletšego a era Baruke morwa wa Neriya, ka ngwaga wa bone wa Joyakima morwa wa Josia kgoši ya Juda, mola Baruke a ngwadile taba tšela ka moka tša puku a botšwa ke Jeremia.
2Morena Modimo wa Isiraele o bolela nago, wene Baruke;
3o re: Ke yo madimabe! Hleng mahloko a ka Morena o a hlatlaganya a majapelo! Ke fedile maatla ka phegelo; mo nkago khutša se go bone!
4Mmotše o re: Morena o re: Tseba, se ke se agilego ke a se phušola; se ke se hlomilego ke a se tomola; ke di dira naga yohle.
5Gomme wena, a o sa inyakela tše kgolo? Se di nyake! Tseba gobane ke tliša bošula bo tlogo wela nama yohle. O realo Morena. Ge e le wena, ke go fa bophelo bja gago, gore mo go fela mo o yago, o ye o tšhabile o na nabjo!
Who We AreWhat We EelieveWhat We Do
2025 by iamachristian.org,Inc All rights reserved.
