1Kelo ya go fora Morena o a e hlaswa; o thabela moelelo wo o lekanego.
2Mo go yago letšeke, le dihlong di a ya; bohlale bo na le moipoetši.
3Baloki ba etetšwa ke toko ya bona; bahlanogi ba senywa ke maaka a bona.
4Mahumo ga phediše mohla wa bogale; lehung go hlakodiša bolo.
5Bolo bja moloki bo tla mo thulela tsela; e mobe o kgopja ke bobe bja gagwe.
6Moloki o phedišwa ke bolo bja gagwe; bahlanogi ba tlo tanywa ke tše ba bego ba di duma.
7Motho mobe mohlalehu e ba go hloboga; go senyega poto ya dihlola.
8Moloki o ntšhwa tlalelong; e mobe o tsena go yona.
9Sehlola se senya sa gaso ka molomo; moloki o phologa ka se a se tsebago.
10Motse o thabela mahlatse a baloki; o goloka ge babe ba loba.
11Motse o gola ka ditšhegofatšo tša baloki; o thubja ke melomo ya ba babe.
12Monyatšawagabo ga a na mogopolo; monna wa kelello o a ikhomolela.
13Mobyaladitshele o senya ditaba; mmotegi o tseba dithopa.
14Setšhaba go notlega sehlokamohlahli; leago le tla ka go ata baeletši.
15Mothekgaethoko o swara bothata; mollamolaka o tlo iketla.
16Mosadi yo botho o tlo huma tumo, boka yo matla ge a huma thuo.
17Monna yo botho moitshetši, yo šoro ke moikgobatši.
18E mobe o rua leruo la maaka; mobyalabolo o na le leruoruo.
19Go loka sa ruri go iša bophelong; molatelabobe o ya lehung.
20Morena o hlaswa wa pelo e kgopo; o kgahlwa ke ba tsela ya go loka.
21Kgang še: Yo mobe a ka se ke a ba a hloka kotlo; e a tlo go phonyokga ke ngwana wa baloki.
22O etša moruka nkong ya kolobe, mosadi yo botse moilabothakga.
23Sellelwa sa baloki ke bothakga fela; seletelwa sa babe ke kotlo.
24Go na le ba sa timego, ba go fela ba atelwa ke leruo; go na le wa tsebakgolo, mme e mo iša bohloking.
25Go nona mosetšawagabo; mogelabang le yena o tlo gelwa.
26Mokunabasedimabele o šala a rogilwe; go šegofatšwa hlogo ya mmapatši.
27Motsogelatšebotse o tsoma tše di kgahlišago batho; e a gagamelago bobe, bo tlo mo tlela.
28Potamahumo o tlo wa; baloki ba tlo taga boka matlakala a sehlare.
29Moferekalapalagabo bohwa o ja phefo; setlatla e tlo ba molata wa yo pelo e bohlale.
30Seenywa sa moloki ke hlare sa bophelo; mohlale o rua dipelo.
31Hleng moloki o bona moputso faseng; le yo kgopo le mosenyi ba bona ya bona.
Who We AreWhat We EelieveWhat We Do
2025 by iamachristian.org,Inc All rights reserved.
