1Morena ke be ke mo hlologetšwe ruri; mme a ntshekegela tsebe, a kwa ge ke goeletša.
2A nntšha moleteng o šiišago, lerageng le tšhileng, a emiša nao tša ka mo lwaleng, ka gata setia.
3Ganong ga ka a bea sefela se sefsa, sereto sa Modimo wa rena. Ba bantši ba di bone, ba šia Morena, ba mmota.
4Wa lehlogonolo ke monna eo a itšego: Kholofelo ya ka ke Morena; a se ye go baipoti le go bahlanogi ba maaka.
5Tše wena Morena Modimo wa rena o re diretšego tšona ke tše ntši, ke mehlolo, ke go re setša. Mokawena gayo. Ge nka re ke a di bolela, ka di anegela batho, di mpalela go di bala.
6Ga o kgahlwe ke didimo le dibego. Nna o nthibolotše tsebe. Ga o nyake sehlabelo le selefa.
7Ke mo nna ke rego: Ke nna e, ke a tla; matlakaleng a puku go ngwadilwe tše di ntebanego.
8Ke kgahlwa ke go dira tše di thabelwago ke wena Modimo wa ka; molao wa gago o dula o le pelong ya ka.
9Phuthego e kgolo ke e anegela tša go loka, ke se ke ka homola. Wena Morena o a di tseba.
10Go loka ga gago ga ke go ute mo pelong; therešo ya gago ke e bola le phološo yago. Mabobo a gago, potego ya gago ga se ka lesa go di anegela phuthego e kgolo.
11Mme wena Morena, o ka se ntlhokiše kgaugelo ya gago; ka mehla ke tlo šireletšwa ke botho bja gago le potego ya gago.
12Gobane ke dikwa ke tše mpe di sa balegego; ke swerwe ke melato ya ka; ke šitwa le go lebaleba; go ata di feta meriri ya hlogo ya ka; pelo ya ka ga e sa kgona.
13Morena, a nke o kgahlwe ke go nthola! Morena, akgofa o ntlhakodiše.
14Go šegame go nyatšege bohle bao ba ntsomago gore ba mpolaye; ba go rata go ntlholela kotsi a ba gome ba goboge.
15Bona bao ba go ra nna ge ba re: Kgone! Kgonenee! A ba gakanege mme ba lewe ke dihlong.
16A go hlalale bohle ba ba go nyakago; ba go thabele. Bohle ba ratago ge wena o phološa, a ba se kgaotše go re: Morena a a retwe!
17Ge e le nna -- le ge ke le mmotlana le modiitšana -- Mongaka ga ntebale. Mophološi wa ka! Monamoledi wa ka, a ko se ntiegele.
Who We AreWhat We EelieveWhat We Do
2025 by iamachristian.org,Inc All rights reserved.
